Ангелина Самцова автор яңалыклары

• 10 октябрь 2026

  Тукай районында ЮХИДИ инспекторы һәм мәктәп укучылары катнашында түгәрәк өстәл узды

  Тукай районының Яшьләр үзәгендә «Мотодрайв: ЮХИДИ инспекторы белән түгәрәк өстәл» дип аталган профилактик чара үткәрелде. Очрашуда Кнәз мәктәбе укучылары — җиденче һәм тугызынчы сыйныфлардан килгән яшүсмерләр катнашты. Укучылар район җитәкчелеге, ЮХИДИ хезмәткәре һәм юл хәрәкәте иминлеге белгечләре белән аралашып, үзләрен кызыксындырган сорауларга җаваплар алды.

  
• 08 октябрь 2026

  Казанда 45 пар гаилә корды: алар арасында Боерган авыл җирлеге башлыгының улы да бар

  Казанда Камал театры бинасында Татарстанның барлык районнары һәм шәһәр округларын берләштергән үзенчәлекле туй тантанасы узды. Бердәм флешмоб кысаларында республика буенча 45 пар бер көнне гаилә корды.

  
• 07 октябрь 2026

  «Илебезнең киләчәге — сезнең кулларда»: Тукай районында Укытучылар көнен билгеләп үттеләр

  Тукай районының Яңа поселогында Укытучылар көненә багышланган тантаналы чара узды. Бу көнне яшь буынга белем һәм тәрбия бирүгә көн саен үз өлешен керткән укытучыларны, тәрбиячеләрне, мәгариф системасы ветераннарын һәм хезмәткәрләрен хөрмәтләделәр. Бүген районның мәгариф өлкәсендә 435 педагог хезмәт куя, аларның 84е — яшь белгечләр.

  
• 05 октябрь 2026

  «Якты юл» — районыбызның байрагы: Камил Нәҗмиев 100 яшьтән узган райондашларга язылу бүләк итә

  Тукай районы башлыгы Камил Нәҗмиев Өлкәннәр ункөнлеге кысаларында үткәрелгән хәйрия акциясен хуплады һәм районда 100 яшьтән узган сигез кешегә «Якты юл» газетасына язылу бүләк итәргә ниятләвен белдерде. Бу хакта ул Тукай районы Мәгълүмат үзәге җитәкчесе Олеся Аверьянованың аппарат киңәшмәсендә ясаган чыгышыннан соң хәбәр итте. Исегезгә төшерәбез, район газетасына 2027 елның беренче яртыеллыгына язылу башланды.

  
• 01 октябрь 2026

  Васил Шәйхразыев Илһам Шакировның туган җирендә яңа елдан экскурсияләр башларга кушты

  Бөтендөнья татар конгрессы Милли Шура рәисе Васил Шәйхразыев Тукай районына эшлекле сәфәре барышында Яңа Бүләк авылында урнашкан Иҗат йортына килде. Биредә ул күренекле татар җырчысы Илһам Шакировның тормышы һәм иҗатына багышланган экспозиция белән танышты.

  
• 22 сентябрь 2026

  Тукай районының сигез кешесе 100 яшьлек чикне узган

  Районда Халыкара өлкәннәр көненә багышланган традицион ункөнлек башлана.

  
• 19 сентябрь 2026

  Кнәз мәктәбе укучылары Казанда узган «Алга, юнармейчылар!» ярышларында бронза яулады

  Кнәз мәктәбенең аерым фәннәрне тирәнтен өйрәнү сыйныфларында белем алучы укучылар — «Отвага» юнармия отряды әгъзалары — республикакүләм «Алга, юнармейчылар!» хәрби-спорт уеннарында катнашты.

  
• 16 сентябрь 2026

  Камил Нәҗмиев үзара салым акчаларына контрольне көчәйтергә кушты

  Тукай районын төзекләндерүдә гражданнарның үзара салым программасы иң нәтиҗәле инструментларның берсе булып кала. Быел җыелган акчаның гомуми суммасы, республикадан софинанслауны исәпкә алып, 94 миллион сумнан арткан. Моның 18 миллион сумнан артыгы — җирле халыкның турыдан-туры керткән өлеше. Программаның төп өстенлеге ярдәм механизмында: гражданнар җыйган һәр бер сумга Татарстан бюджетыннан тагын дүрт региональ сум бүлеп бирелә.

  
• 10 сентябрь 2026

  Рөстәм Миңнеханов Круглое Поле поселогында «Тукай Арена» боз сараен ачты

  10 сентябрьдә Круглое Поле поселогында Тукай районы өчен әһәмиятле вакыйга булды — беренче ябык боз сарае «Тукай Арена» үз ишекләрен ачты. Яңа спорт комплексының эшенә Татарстан Рәисе Рөстәм Миңнеханов символик рәвештә беренче алканы ташлап старт бирде. Алканы биш тапкыр Гагарин кубогы иясе Данис Зарипов һәм Тукай районы җыелма хоккей командасының уенчысы кабул итте .

  
• 09 сентябрь 2026

  Газлы йортка керү — тере килеш җәннәткә керү белән бер: Әҗмәкәйдә «зәңгәр ягулык» җибәрелде

  Тукай районының Әҗмәкәй авылында күптән көтелгән вакыйга булды — йортларга табигый газ бирелде. Хәзер авыл халкы кышны җылы һәм уңайлы шартларда каршы алачак, ә йортларны җылыту чыгымнары да элеккегә караганда кимрәк булачак. Авылга «зәңгәр ягулык» республикада торак-коммуналь хуҗалыкны газлаштыру программасы кысаларында китерелде. Газ җибәрү тантанасында мәртәбәле кунаклар, район җитәкчелеге һәм авыл халкы катнашты. Газлы тормышның өстенлекләрен беренчеләрдән булып Фәхретдиновларның күпбалалы гаиләсе үз тәҗрибәсендә сынап карады. Моңа кадәр алар йортларын электр ярдәмендә җылыткан һәм ике төрле җылыту ысулы арасындагы аерманы үзләре үк яхшы тойган.

  
• 09 сентябрь 2026

  Тукай районында ир-ат ау патроннарын дөрес сакламаган өчен штрафка тартылган

  Тукай районында яшәүче ир-ат ау патроннарын саклау кагыйдәләрен бозган өчен административ җаваплылыкка тартылган.

  
• 04 сентябрь 2026

  Авыл белән бергә үскән мәктәп: масштаблы ремонттан соң Белем көне

  Кайчандыр күрше авылдан алып килгән биш парта һәм төзүчеләр ашыгыч кына кадаклап ясаган тактадан башланган мәктәп тарихы бүген бөтенләй башка төсмер алды. Ярты гасырдан артык вакыт узгач, Яңа поселогы мәктәбе үз укучыларын заманча цифрлы киңлек белән каршы алды. Республика программасы ярдәмендә авыл мәктәбе матди-техник мөмкинлекләре буенча Казан гимназияләреннән бер дә калышмый. Яңа уку елын башлап җибәргән беренче сыйныф укучылары нинди һөнәрләр турында хыяллана, ә мәктәп директоры өчен бу көн ни сәбәпле аеруча кадерле һәм истәлекле булды — әлеге материалда.

  
• 26 август 2026

  Тукай районында матур датада 20 пар никахын рәсмиләштерде

  Бүген Тукай районы ЗАГС бүлегендә чын мәгънәсендә бәйрәм рухы хөкем сөрә. Яшь парларның игътибарын матур «көзге дата» — 26.08.2026 җәлеп иткән. Бу көнне 20 пар үз мөнәсәбәтләрен рәсми рәвештә никах белән беркетергә карар кылган. Аларның барысы да гаризаны электрон рәвештә «Дәүләт хезмәтләре» порталы аша тапшырган.

  
• 25 август 2026

  Тукай районының сигез медицина хезмәткәре ТР Электрон Мактау тактасына кертелде

  Тукай районы медицина хезмәткәрләренең фидакарь хезмәте республика күләмендә югары бәяләнде. 20 августта «Тукай үзәк район хастаханәсе»ндә һөнәри осталыклары һәм хезмәттәге казанышлары өчен сигез медицина хезмәткәренә Татарстан Республикасының Электрон Мактау тактасы таныклыклары тапшырылды.