Хәтер тәрәзәләре һәм изге эшләр: «Беренчеләр хәрәкәте» ветераннарга рәхмәт белдерә

Бөек Җиңүнең якынлашуын Кече Шилнә мәктәбе укучылары – «Беренчеләр хәрәкәте» катнашучылары зур җаваплылык белән каршы ала. Остазлары җитәкчелегендә балалар мәктәп тәрәзәләрен тынычлык символы булган торналар, Георгий тасмалары һәм рәхмәт сүзләре белән бизәделәр. Бу акция һәр тәрәзә аша үткәннәргә хөрмәтне һәм каһарманнарыбызга чиксез рәхмәтне җиткерә.

Хәтер тәрәзәләрдә генә түгел, конкрет эшләрдә дә чагыла. Яшь активистлар Кече Шилнәдәге мемориалны карап-төзәтүне үз өсләренә алдылар. Алар һәйкәл тирәсен чүп-чардан тазарттылар һәм каһарманнарны бер минутлык тынлык белән искә алдылар. Мәктәп укучылары фикеренчә, тарих яшәгән урыннарны чиста тоту – һәркемнең изге бурычы.

Шулай ук 1 Май – Яз һәм Хезмәт бәйрәме алдыннан «Беренчеләр» башлангыч сыйныф укучылары өчен иҗади мастер-класс та үткәрделәр. Мондый чаралар буыннар арасындагы бәйләнешне ныгыта һәм яшьтән үк игелекле, эш сөючән булырга өйрәтә.

Фото: Азалия Низамиева