Җәмгыять рубрикасы буенча яңалыклар

• 08 ноябрь 2026

  Чит илгә сәяхәт: балалар өчен яңа кагыйдәләр гамәлдә

  Балалар белән чит илгә юл тотучыларга сәяхәт алдыннан документларны барларга һәм кабул итүче илнең керү кагыйдәләре белән танышырга кирәк. Чөнки 14 яшькә кадәрге балаларның да Россиядән читкә чыкканда үзләренең чит ил паспортлары булырга тиеш.

  
• 06 ноябрь 2026

  Тукай районы башлыгы Камил Нәҗмиев Татарстан Конституциясе көне белән котлады

  Тукай районы башлыгы Камил Нәҗмиев үзенең МАКС каналында республика бәйрәме уңаеннан район халкына котлау мөрәҗәгате урнаштырды. Ул туган якны үстерүдә, милли гореф-гадәтләрне саклауда һәм Татарстанның иминлеген ныгытуда һәр кешенең хезмәте мөһим булуын ассызыклады.

  
• 05 ноябрь 2026

  Тукай районында юлларны тулысынча яңарту өчен ел саен 30 чакрым ремонтларга кирәк

  Тукай районында юлларны яңартуның хәзерге темпын саклаган очракта, 10 елдан юл челтәрен тулысынча норматив хәлгә китерергә мөмкин булачак. Моның өчен ел саен ким дигәндә 30 чакрым юлны ремонтлау кирәк. Бу хакта район башлыгы Камил Нәҗмиев атналык аппарат киңәшмәсендә хәбәр итте.

  
• 05 ноябрь 2026

  Атта йөрү, иҗат һәм әхлак дәресләре: балаларны «Газизулла» мәчете нәрсә белән җәлеп итә?

  Тукай районы Круглое Поле поселогының «Газизулла» мәчетендә балалар өчен чираттагы үзенчәлекле дәресләр уздырыла башлады. Мәчеткә илтүче юлларга тузан кундырмасын дип, кызым Мәдинәне дә бу дәресләргә йөртә башладым. Хәзер ул шимбә көнен уку атнасы тәмамланганга түгел, ә нәкъ менә мәчеттәге курсларга барасы булганга түземсезләнеп көтә дә инде. Иҗади эшләр, кызыклы мастер-класслар һәм файдалы күнекмәләр аша балалар ислам кыйммәтләрен, әхлак кагыйдәләрен үзләштерә анда. Атлар янына экскурсиягә бару, ат өстендә йөрү исә берсен дә битараф калдырмады. Балалар өчен бу яңа тәҗрибә булды, кабатланмас хис-тойгылар бүләк итте.

  
• 05 ноябрь 2026

  Тукай районында «Игелек кыл» марафонында инвалидларның хыялларын тормышка ашырырга ярдәм итәләр

  Тукай районы инвалидлар оешмасы ел саен декабрь аенда «Игелек кыл» («Твори добро») хәйрия марафоны үткәрә. 2018 елдан бирле дәвам итүче әлеге акциянең төп максаты – мөмкинлекләре чикләнгән кешеләргә ярдәм күрсәтү һәм аларның теләкләрен тормышка ашыру. Бу мәгълүматны аппарат киңәшмәсендә фонд җитәкчесе Фәүзия Вәҗиева җиткерде.

  
• 05 ноябрь 2026

  Чаллыда баланы автобустан төшереп калдырган йөртүчегә штраф салганнар

  Чаллыда 16 яшькә кадәрге баланы шәһәрара автобустан төшереп калдырган йөртүче административ җаваплылыкка тартылган. Аңа 5 мең сум штраф билгеләнгән. Бу хакта Татарстан прокуратурасы хәбәр итә.

• 05 ноябрь 2026

  1 декабрьдән кыш көне җәйге шина белән йөргән өчен штраф салачаклар

  1 декабрьдән автомобильдә җәйге шина белән йөргән машина йөртүчеләргә 500 сум штраф яный.

  
• 05 ноябрь 2026

  2027 елда кемнәр пенсиягә чыга алачак?

  2027 елда Татарстанда 1962 елда туган ир-атлар һәм 1967 елда туган хатын-кызлар картлык буенча иминият пенсиясенә чыга алачак. Моның өчен билгеле бер хезмәт стажы һәм пенсия коэффициентлары булу шарт.

  
• 03 ноябрь 2026

  Казан аэропортында мөселманнар өчен намаз бүлмәләре һәм часовня ачылды

  3 ноябрьдә Габдулла Тукай исемендәге «Казан» халыкара аэропортының яңа В терминалында намаз уку өчен мусаллә һәм часовня ачылды. Тантанада аэропортның генераль директоры Сергей Романцов, Казан һәм Татарстан митрополиты Кирилл, Татарстан Мөфтиенең беренче урынбасары Илфар хәзрәт Хәсәнов һәм Россия Мөселман эшмәкәрләре ассоциациясе президенты Айдар Шаһимәрданов катнашты.

  
• 03 ноябрь 2026

  Салымнарын түләмәгән Биклән кешесенең машинасын штрафстоянкага алып киткәннәр

  Тукай районының Биклән авылында яшәүче бер ир-ат салымнарын вакытында түләмәгәнгә күрә, автомобиленнән вакытлыча мәхрүм калган. Аның машинасын махсус стоянкага урнаштырганнар. Хәзер хуҗасына бурычын капларга, шулай ук транспорт чарасын эвакуацияләү һәм саклау чыгымнарын түләргә туры киләчәк. Бу хакта Тукай районы матбугат хезмәте хәбәр итә.

  
• 03 ноябрь 2026

  Бөгелмә лагеренда ял иткән 12 яшьлек кыз хастаханәдә вафат булган

  Бөгелмәдә Губин исемендәге балаларны савыктыру лагеренда ял иткән кызның гомере өзелгән. Хәле кинәт начарланганнан соң, 12 яшьлек баланы хастаханәгә озатканнар, әмма табиблар аны коткарып кала алмаган. Бу хакта «Татар-информ» агентлыгына Татарстан Яшьләр эшләре министрлыгында хәбәр иткәннәр.

  
• 03 ноябрь 2026

  Казаннан Ташкентка самолетлар атнага дүрт тапкыр очачак

  Nordwind Airlines авиакомпаниясе Казан белән Үзбәкстан башкаласы арасындагы авиарейслар санын арттыра.

  
• 02 ноябрь 2026

  Кнәз мәктәбе укучылары маскировка челтәрләре үрергә өйрәнгән

  Яшьләр үзәгендә Кнәз мәктәбенең 8нче сыйныф укучылары өчен маскировка челтәрләре үрү буенча мастер-класс узган. Балаларга челтәр үрү алымнарын «Форпост»ның структур бүлекчәсе җитәкчесе Ләйсән Сөләйманова һәм волонтер Татьяна Самойлова өйрәткән.

  
• 02 ноябрь 2026

  Татарстанда октябрь өчен хезмәт хакын кемнәргә вакытыннан алда түләячәкләр?

  Ноябрь башында билгеләп үтеләчәк бәйрәмнәр уңаеннан Татарстанның кайбер хезмәткәрләренә октябрь өчен хезмәт хакы гадәттәгедән иртәрәк түләнәчәк. Акча кайсы көнне күчереләчәге турында «Татар-информ» хәбәр итә.

  
• 02 ноябрь 2026

  Табылган ачкычлар ярдәмендә «ГАЗель»не алып киткән Чаллы кешесенә җинаять эше ачылган

  Чаллыда полиция хезмәткәрләре «ГАЗ-3322» автомобилен законсыз рәвештә алып китү очрагын ачыклаган. Машина югалуы турында хокук сакчыларына аның 31 яшьлек хуҗасы хәбәр иткән. Автомобиль Фоменко проспектындагы йортларның берсе янында торган җиреннән юкка чыккан.