Тукай районыннан Әшрәповлар гаиләсе республика бәйгесендә җиңү яулады

Татарстан Республикасы Иҗтимагый палатасы һәм «АК БАРС СОЗИДАНИЕ» хәйрия фонды тарафыннан төбәктә игълан ителгән әлеге проект иҗтимагый файдалы эшчәнлекнең гаилә җылылыгын саклауга һәм буыннарны берләштерүгә ничек ярдәм итүен күрсәтте. Бәйге финалының иң истәлекле вакыйгасы булып Тукай районы Әҗмәкәй авылыннан килгән Әшрәповлар гаиләсен «Көмеш волонтерлар» номинациясендә бүләкләү булды.

Гаилә кыйммәтләре видеокадрда

Укучылар һәм катнашучылар үзләренең конкурс видеороликларында уртак хәйрия яисә иҗтимагый эшнең гаиләләрне ныгытуга, балалар белән әти-әниләр арасындагы бәйләнешне үстерүгә ничек ярдәм итүе турында бәян иттеләр.

Тукай районының «Көмеш» үрнәге

Бәйгенең жюри әгъзалары игътибарын аеруча Тукай районыннан килгән Әшрәповлар гаиләсе җәлеп итте. Әҗмәкәй авылы активистлары үзләренең иҗади эшләре белән финалга кадәр барып җиттеләр һәм «Көмеш волонтерлар» номинациясендә иң яхшылар рәтенә керделәр.

«Көмеш волонтерлар» — ул үзләренең зур тормыш тәҗрибәсен, вакытын һәм көчен биреп, зур социаль мәсьәләләрне чишүдә үзешчән ярдәм итүче өлкән яшьтәге кешеләр. Әшрәповлар гаиләсе үрнәгендә оештыручылар өлкән буынның коммерциягә нигезләнмәгән оешмалар системасындагы зур ролен ассызыкладылар: алар мохтаҗларга ярдәм итеп кенә калмыйча, үзләренең кыйммәтле тәҗрибәсен яшь буынга да тапшыралар.

Фотолар Әнисә Әшрапова тарафыннан бирелде