Россиядә пенсия стажын исәпләү кагыйдәләре яңартылды: күпбалалы гаиләләр һәм авыл халкы өчен үзгәрешләр бар
Россиядә пенсия билгеләгәндә иминият стажын исәпләү тәртибе яңартыла. Яңа үзгәрешләр игезәк балалары булган ата-аналарга, күпбалалы гаиләләргә, шулай ук авыл җирендә яшәүчеләргә кагылачак. Бу хакта ТАСС хөкүмәт карарына сылтама белән хәбәр итә.
Документ нигезендә балаларны карау чорларын стажга кертү тәртибе яңадан каралган. Элек гамәлдә булган чикләү буенча, балаларны карау вакыты гомуми исәптә алты елдан артмаска тиеш иде. Хәзер бу чикләү тулысынча гамәлдән чыгарыла.
Моннан тыш, күп бала туу очракларына бәйле үзгәрешләр дә бар: һәр балага 1,5 яшь тулганчы карау вакыты аерым-аерым түгел, ә фактик чорларны исәпкә алып суммар рәвештә исәпләнәчәк.
Шулай ук иминият пенсиясенә өстәмә түләү алу хокукын бирә торган стажны исәпләү кагыйдәләре дә яңартыла. Әлеге исемлек киңәйтелеп, анда авыл җирендә яшәүчеләр дә кертелә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев