Чаллының 400 еллыгында Салават һәм Сергей Лазарев чыгыш ясаячак
Чаллы халкын 21 августта күңелле музыкаль кичә һәм якты тамаша көтә — бәйрәм программасы концерт, дискотека һәм салютны берләштерәчәк.
Чаллы үзенең 400 еллыгын зур концерт программасы белән билгеләп үтәчәк. 21 августта «Прибрежный» паркында шәһәр халкын һәм кунакларны Татарстан һәм Россия эстрадасы артистлары, шулай ук җирле иҗат коллективлары чыгышлары көтә. Бу хакта эшлекле дүшәмбедә Башкарма комитет җитәкчесе урынбасары Винер Харисов хәбәр итте, дип яза Татар-информ.
Бәйрәм сәхнәсендә Татарстанның халык артисты Салават Фәтхетдинов һәм Россиянең танылган җырчысы Сергей Лазарев чыгыш ясаячак. Концертта Чаллының иң яхшы иҗат коллективлары да катнашачак.
Концерттан соң бәйрәм программасы «Авторадио – Чаллы» оештырган зур дискотека белән дәвам итәчәк. Санкт-Петербургтан килгән DJ Цветкофф кунаклар өчен махсус музыкаль программа әзерләячәк. Бәйрәм киче салют белән тәмамланачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев