Татарстанда вакытны үзгәртү буенча референдум үткәрергә тәкъдим ителде
Татарстанда сәгать поясын үзгәртү турында халык фикерен белү өчен референдум үткәрү тәкъдим ителде. Бу тәкъдимне Дәүләт Советы депутаты Альберт Ягудин парламент утырышында әйтте.
Аның фикеренчә, бу мәсьәлә буенча кешеләр фикерен белү мөһим, һәм ихтимал, шуннан чыгып, вакытны ике сәгатькә алга күчерү турында карар кабул итәргә мөмкин булачак. Депутат сүзләренчә, Татарстан хәзер Мәскәү вакыты буенча яши, бу исә күрше төбәкләр белән транспорт, икътисади һәм көндәлек элемтәләрдә кыенлыклар тудыра.
Вакытны күчерү, аның исәпләвенчә, Татарстанга ел саен 140 млн киловатт-сәгатькә кадәр электр энергиясен экономияләргә мөмкинлек бирәчәк. Икътисади яктан файдасы йөзләрчә миллион сум, кайбер исәпләүләр буенча хәтта миллиардка якын булырга мөмкин. Бу тәкъдим хәзерге вакытта фикер алышу стадиясендә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев