Түбән Камада “Яшел үзән – 2” яңа икътисади зонасы барлыкка килергә мөмкин
Татарстанда 2029 елга кадәр “Яшел үзән – 2” дип аталган яңа махсус икътисади зона ачарга мөмкиннәр. Ул Түбән Кама районында урнашачак дип көтелә, дип хәбәр итә ТАСС.
Бу зона өчен махсус территорияләр билгеләнәчәк һәм аны төзү, идарә итү буенча аерым килешү төзеләчәк. Анда заводлар, җитештерү объектлары ачылырга мөмкин.
2029 елга кадәр зонада кирәкле шартлар тудыру планлаштырыла: юллар төзү, инженер челтәрләре үткәрү, социаль инфраструктура булдыру. Бу эшләр республика бюджеты хисабына башкарылачак.
Яңа “Яшел үзән – 2” зонасын Зәй районындагы инде эшләп килгән “Яшел үзән” белән берләштерергә җыеналар. Нәтиҗәдә зур биоикътисади кластер барлыкка килергә мөмкин.
Хәзерге вакытта “Яшел үзән” зонасында 4 компания үз проектларын башлап җибәргән. Моннан тыш, Татарстанда “Алабуга” һәм “Иннополис” кебек башка махсус икътисади зоналар да уңышлы эшли.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев