Татарстан 2025 елда тормыш сыйфаты буенча иң яхшы биш төбәккә керде
Татарстан Республикасы 2025 ел йомгаклары буенча тормыш сыйфаты рейтингында лидерлар бишлегенә керде. Бу хакта Стратегик инициативалар агентлыгының генераль директоры Светлана Чупшева күзәтчелек советы утырышында хәбәр итте.
Агентлык мәгълүматларына караганда, быел тормыш сыйфаты буенча рейтингта иң югары урыннарны Мәскәү, Санкт-Петербург, Төмән өлкәсе, Татарстан һәм Сахалин өлкәсе яулады.
Светлана Чупшева билгеләп узганча, рейтинг төзегәндә статистик мәгълүматлардан тыш, якынча 345 мең кеше катнашындагы сораштырулар да исәпкә алынган. Аерым сораштырулар яшьләр, күп балалы гаиләләр һәм инвалидлар арасында үткәрелеп, социаль ярдәм чараларының нәтиҗәлелеге бәяләнгән.
Стратегик инициативалар агентлыгы рейтингны 2021 елдан башлап әзерли. Быел исә ул яңартылган методология нигезендә төзелгән һәм илнең милли үсеш максатлары белән туры килерлек итеп яңартылган.
Чыганак: Татар-Информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев