Калмаш мәктәбен тәмамлаган Алия Нуретдинова Мәскәүне яулады
Чыгарылыш сыйныф укучысы Алия Нуретдинованы зур казанышы белән котлыйбыз!
Алия Калмаш мәктәбен яхшы билгеләргә тәмамлап һәм Бердәм дәүләт имтиханында яхшы нәтиҗәләр күрсәтеп, өч фәннән 258 балл җыйды.
Менә аның нәтиҗәләре: рус теле – 86 балл, математика – 86 балл, физика – 86 балл.
Мондый югары күрсәткечләр Алиянең тырыш хезмәтенең һәм максатчанлыгының нәтиҗәсе, әлбәттә. Без Алияне уңышка алып килгән педагогларына рәхмәт белдерәбез: Светлана Вазеева (рус теле), Зөлфия Сәрвәрова (математика), Рәисә Садриева (физика).
Алиянең хыялы – илбезнең иң яхшы вузы студенты булу һәм аның хыялы тормышка ашты. Ул М.В. Ломоносов исемендәге Мәскәү дәүләт университетының фундаменталь һәм гамәли физика факультетына уңышлы укырга керде.
Алияне, аның әти-әнисен һәм педагогларын бу искиткеч җиңүләре белән котлыйбыз! Ирешелгәннәрдә генә тукталып калмаска һәм яңа фәнни биеклекләрне яулавын телибез!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев