Гашыйклар көне уңаеннан “Мәхәббәт канатында“ конкурсы башлана

Газета сайтында бүгеннән елның беренче конкурсын башлыйбыз. 14 февраль - Гашыйклар көне уңаеннан уздырыла ул. "Мәхәббәт канатында" дип аталган бәйгегә фотолар, иҗади хезмәтләр, тормышыгыздан кызыклы вакыйгалар тарихы кабул ителә. Номинацияләр түбәндәгечә:

"Иң үзенчәлекле мәхәббәт тарихы" - сөйгән ярыгыз белән танышу, очрашу, гаилә кору вакыйгасын, яисә иҗади хикәя яза аласыз.

"Иң сихри очрашу" - көтелмәгән маҗаралы очрашу хакында, яисә иҗади хикәя язарга була.

"Иң үзенчәлекле тәкъдим ясау" - һәркемнең хәтерендә сөйгән кешесенең тәкъдим ясавы саклана, шул турыда язып җибәрегез, яисә яшь парларга тәкъдим ясау серләрен ачыгыз.

"Иң үзенчәлекле фото" - сөйгәнегез белән иң матур фотоны җибәрә аласыз.

"Иң тәмле мәхәббәт ризыгы" - рецепт, аның фотосын һәм әлеге ризык белән бәйле вакыйганы язып җибәрегез.

Бүләкләребез дә чып-чын мәхәббәтле - "Каймак" татар милли ресторанына 1000 сумлык сертификат, Чаллы драма театрына мәхәббәт турындагы спектакльгә ике кешелек чакыру билеты һәм Биклән авылы эшмәкәре РиммаКрицкаядан йөрәк формасындагы телне йотарлык пироглар.

Сездән фотолар һәм язмалар көтеп калабыз, дуслар!