Бүген Татарстанда явым-төшемнәр һәм көчле җил көтелә
Җылы язны барыбыз да зарыгып көтсәк тә, табигатьтә һәр нәрсә үз вакыты белән килә. Җәләлетдин Руми әйткәнчә: «Һәр нәрсә үз вакытын көтәр. Гөл дә вакытыннан иртә ачылмас, кояш та вакытыннан алда күтәрелмәс». Синоптикларның фаразына күз салыйк әле.
Бүген дә республикада һава торышы болытлы булачак, тәүлек дәвамында ул үзгәреп торачак, дип хәбәр итә ТР Гидрометеоүзәге хезмәткәрләре.
Төнлә яңгыр һәм юеш кар рәвешендә явым-төшемнәр көтелә. Көндез исә кайбер районнарда гына аз күләмдә явым-төшем булырга мөмкин.
Җил көньяк-көнбатыш һәм көньяк юнәлешләрдән исәчәк. Төнлә аның тизлеге 7–12 м/с тәшкил итә, аерым районнарда исә 15–20 м/с кадәр көчәюе ихтимал. Кичке сәгатьләрдә (18:00–21:00) кайбер урыннарда җилнең көче 26 м/с кадәр җитәргә мөмкин. Көндез җил 10–15 м/с тирәсендә сакланачак, кайвакытта 18–23 м/с кадәр көчәергә мөмкин.
Төнлә һава температурасы 0…+3°C чикләрендә булачак. Көндез +5…+10°C кадәр җылыту көтелә.
Сәфәрләрне планлаштырганда һава торышын исәпкә алырга һәм урамда йөргәндә саклык чараларын үтәргә киңәш ителә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев