Бүген һава температурасы 19 градуска кадәр җылыначак
Бүген, 17 апрельдә, республикада үзгәрүчән болытлы һава торышы хакимлек итәчәк, дип хәбәр итә ТР Гидрометүзәге. Төнге сәгатьләрдә явым-төшем көтелми, һава торышы тотрыклы булачак. Көндез исә кайбер урыннарда, бигрәк тә көнбатыш районнарда, кыска вакытлы, әллә ни көчле булмаган яңгырлар явып узуы ихтимал.
Җил көньяк-көнчыгыштан исәчәк, төнлә ул әкренләп көньяк-көнбатыш юнәлешенә күчә. Аның тизлеге төнлә секундына 5–10 метр чамасы булса, көндез 7–12 метрга кадәр көчәячәк, ә аерым урыннарда тизлеге 15–18 метрга кадәр җиткән көчле җил булып алырга мөмкин.
Һава температурасы төнлә +3 +6 градуска кадәр тирбәләчәк. Көндез исә һава шактый җылынып, максималь температура +14тән +19 градуска кадәр күтәреләчәк.
Н.Туганов фотосы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев