Бикләндә экологик өмә узды
Биклән авыл җирлегендә, экологик икеайлык кысаларында, бюджет оешмалары хезмәткәрләре катнашында зур өмә үтте. Чара барышында авыл хезмәтчәннәре агачларны агарттылар һәм юл буйларын тәртипкә китерделәр.
Экологик икеайлык дәвам итә. Бу юлы Биклән авыл җирлегенең бюджет учреждениеләре хезмәткәрләре бердәм булып чистарту-агарту эшенә чыктылар. Алар юл буендагы агачларны агартып, тирә-юньгә ямь өстәделәр.
«Агачларны агарту — ул декоратив кына түгел, ә бик мөһим саклану чарасы да. Бу процесс агачларны язгы кояш пешерүеннән һәм корткычлардан саклый. Шул ук вакытта авылыбыз да күпкә чистарак, уңайлырак күренә башлады. Бу безнең уртак йортыбыз өчен кечкенә, бик мөһим эш», — дип билгеләп үтте чарада катнашучылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев