2018 елда ике тапкыр тулы Ай тотылуын, өч мәртәбә Кояш тотылуын күрәчәкбез

Россиянең үзәгендә һәм көнчыгышында яшәүчеләр 31 гыйнварда тулы Ай тотылуның шаһиты булачак. Бу хакта Мәскәү планетарие сайтында хәбәр ителә.

2018 елда ике тапкыр (31 гыйнвар һәм 27 июль) тулы Ай тотылуын, өч мәртәбә (15 февраль, 13 июль һәм 11 август) Кояш тотылуын күрәчәкбез. Моннан тыш, 7 гыйнварда иртәнге 4тән Кояш чыкканчыга кадәр Юпитер һәм Марс планеталарының бер-берсенә якын килүен күзәтергә мөмкин. Шунысы кызык: 15 гыйнварда Ай 2018 елда Җирдән иң ерак арада (406 мең 459 чакрым) булачак, дип хәбәр итә «Татар-информ».