Хоккей ярышлары үтә

18 февраль көнне Круглое Поле поселогының хоккей кортында алкалы хоккей буенча район чемпионаты, Круглое Поле авыл җирлегенең кубогына ярышлар үткәрелә. Анда ир-атлар командалары катнаша. Хоккей сәгать 9да башлана. Ярышларда 17дән алып һәм аннан да зуррак булган ир-егетләр катнаша ала. Спортчыларның Тукай районында пропискалары булуы мәслихәт. Хоккей ярышларының төп хөкемдары - район балалар һәм яшүсмерләр спорт мәктәбенең тренер-укытучысы Валентин Артемьев. Беренче урынга лаек булган команда кубок һәм грамота белән бүләкләнә. Икенче һәм өченче урыннарда калган командаларга Круглое Поле авыл җирлегенең башкарма комитеты грамоталары тапшырыла, дип хәбәр иттеләр безгә район яшьләр эшләре, спорт һәм туризм бүлеге белгечләре.