Бүген «Ак Барс» Минскның «Динамо»сы белән очраша
Минск командасы Көнбатыш конференциясендә регуляр сезонны рекордлы икенче урын белән тәмамлап, 88 очко җыйды. Беренче раундта белоруслар Мәскәү «Динамо»сын 4:0 белән уздырды. «Динамо-Минск»ның соңгы уеннарда Казанны җиңүе дә аларга психологик өстенлек бирә.
Казан «Ак Барс»ы Көнчыгышта өченче урында калды, 94 очко җыйды, һәм «Авангард»тан биш очкога калышты. «Трактор» белән сериядә казаннар биш матчта 4:1 исәбе белән өстенлеккә иреште, әмма өч уен овертаймга кадәр барып җитте, җиңү соңгы минутларда хәл ителде.
Минск хоккейчылары соңгы биш уенда җиңү яулады һәм өйдә алты очрашуда төп вакытта оттырмады. Казан командасы читтә авырлыклар белән очрашты: читтә узган соңгы тугыз матчта алар биш тапкыр җиңелде. Шулай да «Ак Барс»ның өстенлеге бар, составында НХЛ тәҗрибәсе булган һәм плей-оффта уңышлы уйнаган хоккейчылар күп.
Матч 19:30да Мәскәү вакыты белән башлана. “Ак Барс”ка уңышлар теләп калабыз!
Мәгълүмат Татар-Информ сайтыннан алынды
Фото: ak-bars.ru
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев