Тукай районында ял базасындагы конфликт җинаять эше белән тәмамланган
Тукай районы прокуратурасы Чаллы шәһәрендә яшәүче 30 яшьлек ир-атка карата җинаять эше буенча гаепләү актын раслады. Ул корал кулланып кеше сәламәтлегенә зыян китерүдә гаепләнә.
Эш материалларыннан күренгәнчә, 2026 елның 30 апрелендә гаепләнүче Тукай районындагы «Наша Поляна-2» ял базасында ял иткәндә күп күләмдә спиртлы эчемлекләр куллана. Шуннан соң ул зыян күрүчегә бәйләнә, аны үрти башлый. Зыян күрүче аңа берничә тапкыр кисәтү ясап, тынычлануын сорый.
Якынча 23:00 сәгатьтә зыян күрүче мангал зонасына чыга. Озак та үтми аның янына исерек ир-ат чыга һәм кулындагы сыра шешәсе белән маңгаена суга. Нәтиҗәдә зыян күрүченең маңгае җәрәхәтләнә.
Гаепләнүче үз гаебен тулысынча таныган.
Җинаять эше Тукай район судына җибәрелгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев