Халыкара Innopolis Open олимпиадасы җиңүчеләре билгеле булды
Халыкара информатика олимпиадасы Innopolis Open узды, анда йомгаклау этабына Россиядән һәм чит илләрдән 329 укучы узды.
Олимпиадада барлыгы 4542 укучы катнашты. Финал туры Россия, Беларусия, Казахстан, Төркмәнстан һәм Сүриядән килгән 7–11 сыйныф укучылары арасында узды, шул исәптән узган ел җиңгән һәм призлы урын алган 21 кеше дә. Оештыручылар – Иннополис университеты, партнер – ЯТ-югары уку йортының Алдынгы инженерлык мәктәбе.
Ярыш ике этаптан торды: сайлап алу һәм финал. Йомгаклау туры бер үк вакытта биш шәһәрдә узды. Финалда Татарстан, Мәскәү, Санкт-Петербург, Свердловск, Төмән һәм Курган өлкәләреннән, шулай ук Беларусиядән 20 укучы беренче дәрәҗә диплом алды, 21 кеше икенче, 23 кеше өченче дәрәҗә дипломга лаек булды.
Олимпиада җиңүчеләре һәм призерлары Иннополис университетына һәм башка Россия вузларына кергәндә өстенлекле шартларда укый алачак.
Чыганак: ТР фән һәм мәгариф министрлыгы сайты
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев