Татарстанда яшь тәрбиячеләргә 120 мең сум күләмендә акчалата бүләк бирергә җыеналар
Татарстанда дәүләт һәм муниципаль балалар бакчаларында эшләүче яшь тәрбиячеләр өчен яңа матди ярдәм чарасы әзерләнә. Республикада ел саен 300дән артык белгеч 120 мең сум күләмендә акчалата бүләк алу мөмкинлегенә ия булачак.
Әлеге башлангычка кагылышлы карар проекты Татарстан Мәгариф һәм фән министрлыгы тарафыннан әзерләнгән һәм хәзерге вакытта коррупциягә каршы тикшерү этабын уза.
Планнар буенча, әлеге премия ел саен 300дән артык педагогка тапшырылачак. Акчалата ярдәмгә дәгъва итү хокукына 35 яшьтән өлкән булмаган һәм эш тәҗрибәсе 5 елдан артмаган балалар бакчасы тәрбиячеләре ия була алачак.
Бүләккә ия булу өчен катнашучыларга белем бирү процессын нәтиҗәлерәк итүгә юнәлдерелгән шәхси проект әзерләргә кирәк булачак. Проектлар махсус конкурс кысаларында бәяләнәчәк, һәм иң яхшы эшләр авторлары акчалата бүләк белән бүләкләнәчәк.
Чыганак: Татар-Информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев