Гуманитар факультетларга керү шартлары үзгәрә: 2027 елдан тарих имтиханы мәҗбүри булачак
Россиянең югары уку йортларына кабул итү кагыйдәләрендә җитди үзгәрешләр көтелә. 2027 елдан башлап, гуманитар белгечлекләрне сайлаучы абитуриентлар өчен тарих буенча Бердәм дәүләт имтиханы (БДИ) тапшыру мәҗбүри таләпкә әвереләчәк. Бу хакта Рособрнадзор җитәкчесе Анзор Музаев 2026 елгы имтихан кампаниясенә багышланган очрашуда игълан итте, дип яза Татар-Информ.
Үзгәрешләр ни өчен 2027 елда гына үз көченә керә?
Ведомство җитәкчелеге билгеләп үткәнчә, укучылар өчен кискен үзгәрешләр стресс булмаска тиеш. Шунлыктан:
-
2026 ел — үзгәрешләргә әзерләнү өчен «күчеш чоры» булып кала.
-
2027 елдан — тарих имтиханы гуманитар юнәлешләр өчен төп (приоритетлы) сынауларның берсе булачак.
«9 нчы сыйныфны тәмамлаучы бала ике елдан соң аны нәрсә көткәнен алдан белергә тиеш», — дип ассызыклады Музаев.
Укучылар әзерме?
Рособрнадзор башлыгы сүзләренчә, хәзерге унынчы сыйныф укучылары бу яңалыкка әзер. Тарих имтиханын мәҗбүри итү мәсьәләсе мәгариф өлкәсендә күптәннән тикшерелә иде, шуңа күрә бу карар белгечләр һәм укучылар өчен көтелмәгән хәл түгел.
Бу адым булачак белгечләрнең тарихи белемнәрен тирәнәйтү һәм гуманитар фәннәрне үзләштерү сыйфатын күтәрү максатыннан ясала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев