Чаллыда Төзүчеләр көне: бәйрәм программасы белән таныштырабыз
Бүген, 7 август көнне, Яр Чаллының «Яр буе» паркы мәйданында Төзүчеләр көненә багышланган масштаблы тантана узачак. Кичке бәйрәм программасының төп йолдызлары — Россия эстрадасының легендар «Отпетые мошенники» поп-төркеме һәм «Поющие гитары» вокаль-инструменталь ансамбле булачак.
Чаллылылар өчен Төзүчеләр көне — аеруча кадерле һәм зур бәйрәм. Автоградның бүгенге заманча кала булуы һәм «КАМАЗ» гиганты — бирегә нигез салган беренче төзүчеләрнең фидакарь хезмәт нәтиҗәсе. Нәкъ менә шуңа күрә бу чара шәһәрдә ел саен гаять зур колач белән билгеләп үтелә. Мәдәни программа кичке сәгать 17:00дә театральләштерелгән тамаша белән башланып китәчәк. Алып баручылар Чаллы тарихына кыскача күзәтү ясаячак, шәһәрне төзегән беренче каһарманнарның хезмәтен искә алачак. Бәйрәм кунакларын мактаулы шәхесләр һәм рәсми җитәкчеләр котлаячак.
Тантаналы концертны шәһәрнең иң яхшы иҗат коллективлары, Алмаз һәм Зөлфирә Мирзаяновлар дуэты, шулай ук «Поющие гитары» ансамбле бизәячәк. Кичәнең иң көтелгән вакыйгасы — «Отпетые мошенники» төркеменең чыгышы булачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев