Татарстанда пенсиясе һәм башка даими керемнәре билгеләнгән яшәү минимумына җитмәгән эшләмәүче өлкәннәр дәүләт ярдәменә өметләнә ала. 2026 елда республикада пенсионер өчен яшәү минимумы 13 844 сум тәшкил итә, дип яза Татар-информ.
Кем өстәмә түләүгә дәгъва итә ала?
Ярдәм пенсия һәм башка исәпкә алынган керемнәре төбәктәге пенсионерның яшәү минимумыннан азрак булган эшләмәүче гражданнарга билгеләнә. 2026 елда Татарстанда бу күрсәткеч 13 844 сум тәшкил итә. Түләүне рәсмиләштерү өчен гариза бирергә кирәкми. Социаль фонд аны кирәкле мәгълүматлар нигезендә автомат рәвештә билгели.
Керемне исәпләгәндә нәрсә карала?
Өстәмә түләү күләме пенсиягә генә бәйле түгел. Исәп-хисап вакытында пенсионерның башка даими социаль керемнәре дә исәпкә алына. Алар арасында:
- барлык төр пенсияләр;
- ашыгыч пенсия түләүләре;
- өстәмә социаль ярдәм чаралары;
- айлык акчалата түләүләр һәм социаль хезмәтләр җыелмасының акчалата бәясе;
- төбәктә каралган башка социаль түләүләр.
Бер тапкыр бирелә торган пособиеләр һәм түләүләр бу исәпкә кертелми. Шулай итеп, өстәмә социаль түләүгә хокукны билгеләгәндә пенсионерның пенсиясе генә түгел, ә аның башка даими керемнәре дә исәпкә алына.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев