Россиядә пенсияләр автомат рәвештә яңадан исәпләнергә мөмкин
Россиядә белгечләр пенсионерның эш стажын яки хезмәт хакын отышлырак ысул белән исәпкә алу мөмкинлеген тапкан очракта, пенсияләрне яңадан исәпләү кайвакыт автоматик рәвештә башкарыла. Бу хакта РИА Новости агентлыгына Россиянең Социаль фондында хәбәр иттеләр.
СФР матбугат хезмәте хәбәр иткәнчә, мондый вакытта фонд хезмәткәрләре документлар җыюны үзләре башлап, пенсияне яңадан исәплиләр. Хаталарны булдырмас өчен пенсия билгеләү системасы күпкатлы контроль аша үтә, тикшерү клиент хезмәтләреннән башлап контроль һәм ревизия бүлекләренә кадәр алып барыла.
Аерым игътибар 2002 елга кадәрге чорларга бирелә, чөнки ул вакытта стаж турында мәгълүмат тулы булмаска мөмкин. Пенсия эшләрен тикшерү өчен махсус программа эшли. 2019-2025 елларда 40 миллионнан артык эш тикшерелгән, шул ук вакытта 1,2 миллионнан артык гражданга стажны раслауда ярдәм күрсәтелгән. 2026 елда өстәмә рәвештә якынча 1,6 миллион түләү тикшереләчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев