4 ноябрь, чәршәмбе көнне, Татарстанда болытлы һава торышы көтелә. Яңгыр һәм юеш кар явуы ихтимал. Синоптиклар төнлә һәм иртән урыны белән томан төшүе һәм бозлавык барлыкка килүе турында кисәтә.
Җил көньяк-көнчыгыштан исәчәк, соңрак көньяк-көнбатышка күчәчәк. Аның тизлеге секундына 3–8 метр тәшкил итәчәк, көндез урыны белән 13 метрга кадәр көчәергә мөмкин.
Төнлә һава температурасы +4 градустан −1 градуска кадәр булачак. Республиканың көнчыгышында урыны белән −5 градуска кадәр суытачак. Көндез һава +3…+8 градуска кадәр җылыначак.
Фото: Н.Туганов
Нет комментариев