Якты юл
  • Рус Тат
  • Лариса Васильева автор яңалыклары

    • 19 ноябрь 2020 - 10:50
      Террорчылыкка юл куймыйк 
      Октябрь ахырында Татарстанның Кукмара районында террорчылык белән бәйле очрак булган иде. Анда 16 яшьлек яшүсмер: «Мин сезне үтерәм!» – дип, Эчке эшләр бүлегенә килә һәм ике шешә янучан матдә ыргыта. Кулындагы пычагы белән үзен кулга алырга җыенган полиция хезмәткәрләренә ташлана, берсен яралый. Ахырда үсмерне атып үтерәләр. Мондый очраклардан саклану өчен бу категория гражданнарны һәрдаим контрольдә тоту мәҗбүри, дип басым ясалды террорчылыкка һәм экстремистлыкка каршы район комиссиясенең чираттан тыш утырышында.
      109
      0
      0
    • 23 октябрь 2020 - 09:55
      Фаил Камаев:  «Мин ышанам – Сез булдырачаксыз!»
      Тукай районы советының чираттагы утырышында депутатлар район башкарма комитеты җитәкчесен сайладылар. Конкурс комиссиясе әлеге вазифага ике кандидатураны тәкъдим итте. Алар – моңа кадәр район башкарма комитеты җитәкчесенең беренче урынбасары булып эшләгән, башкарма комитет җитәкчесе вазифаларын башкарган Айрат Хәбибуллин һәм район башкарма комитеты җитәкчесенең төзелеш һәм яшәешне тәэмин итү буенча урынбасары Рафаэль Игътисамов.
      324
      0
      0
    • 2 сентябрь 2020 - 12:10
      Республика көне – безнең бәйрәм
      Район быел да Республика көнен Яңа Троицкий авылындагы ял паркында бәйрәм итте. Чара ике мәйданчыкта барды. Беренчесендә бәйрәмнең рәсми өлеше үтте, икенче мәйданда халык рәхәтләнеп ретро-җырлар тыңлады, уеннарда катнашты, күңел ачты. Һәр елдагыча, чәчәкләр композицияләренә конкурс уздырылды, беренче сыйныфка баручы балаларга «Мәктәпкә җыенырга ярдәм ит!» акциясе кысаларында портфельләр тапшырылды һәм тагын күп төрле бүләкләү, хөрмәтләү чаралары уздырылды. 
      281
      0
      0
    • 12 июль 2020 - 12:45
      Питрау – бәйрәм генә түгел...
      12 июль – Питрау көне. Җәйнең нәкъ кыл уртасы. Питрау үтте – җәй үтте, дип тә әйтәләр. Шулай ук Питраудан соң кошлар сайравыннан туктый, диләр. Сынап караучылар бардыр – бу чыннан да шулай, нәкъ төнге сәгать 12дә кошлар тып-тын кала. Табигатьнең бер могҗизасыдыр бу, мөгаен. Бу көнне тереклек һәм үсемлекләр дөньясында үзгәреш чоры башлана. Питрауда җыеп киптерелгән кыр чәчәкләре барлык авырулардан файдалы, бу көнне әзерләнгән мунча себеркесе аерата шифалы, диләр. 
      441
      0
      0
    • 28 февраль 2020 - 13:10
      Сәхнәдә – өлкәннәр
      Узган шимбәдә районның үзешчән ветераннары Борды авылы мәдәният йортына «Балкыш» сәнгать фестиваленең гала-концертына җыелды. Тамашачы игътибарына барлык авыл җирлекләреннән 33 концерт номеры тәкъдим ителде. Өлкәннәр коллективлар белән дә, аерым солистлар буларак та сәхнәгә чыкты. 
      471
      0
      0
    • 7 февраль 2020 - 14:00
      Сәхнәдә – алдынгылар
      2019 ел нәтиҗәләре буенча алдынгыларны хөрмәтләү слетында 300дән артык райондашыбызга сәхнәгә чакырып, мактау грамоталары, рәхмәт хатлары, акчалата бүләкләр, күчмә кубоклар тапшырдылар. 
      449
      0
      1
    • 5 февраль 2020 - 11:30
      Сезнең хезмәт алдында баш иябез
      Районда хезмәт алдынгыларын зурладылар, 2019 елда төрле тармакларда югары нәтиҗәләргә ирешкән иң яхшы һөнәр ияләрен хөрмәтләделәр. Инде икенче ел рәттән шулай зурлап үткәрелә торган слетка һәр тармактан, предприятие-оешмалардан, авыл җирлекләреннән җитәкчеләр, алдынгы хезмәткәрләр, район үсешенә ныклы нигез салган ветераннар, республика һәм бөтенроссия конкурсларында җиңүчеләр чакырылды. Алар мактау грамоталарына, рәхмәт хатларына, акчалата бүләкләргә лаек булды.
      554
      0
      1
    • 25 декабрь 2019 - 14:00
      Күз курка, кул эшли
      «Гигант» совхозы элек-электән республикада беренчеләр рәтендә баручы алдынгы хуҗалыкларның берсе булды. Совхозның атаклы җитәкчесе Нәҗип Зыятдиновтан соң, 2000 елларда, аны авыл хуҗалыгы тармагында зур осталык чарлаган белгеч Риф Имамовка ышанып тапшырдылар. «Колхоз-совхозлар системасы таркалган, инвесторлар үтеп кергән шактый кыен чорлар иде ул», – дип искә ала бүген Риф Хәнифович. Ләкин дилбегәне үз кулыңа алгансың икән, сынатырга ярамый, холкы андый түгел. Совхозны таркатырга бирми, шуның белән Яңа поселогын да саклап калуга да үз өлешен кертә ул. «Гигант» бүген дә авыл хуҗалыгы продукциясе җитештерү буенча республикада лидерлар рәтендә. РФнең һәм ТРның атказанган авыл хуҗалыгы хезмәткәре Риф Имамовның республика җитәкчелеге алдында да абруе зур, аны беләләр, аннан киңәш сорыйлар. 
      526
      0
      0
    • 4 сентябрь 2019 - 14:10
      Һәр иҗат җимеше үзенчәлекле
      Быел Республика көнендә беренче тапкыр районда «Чәчәкләр фестивале» узды. Дөрес, әлегә бу чараны фестиваль итү өстендә эшлисе дә эшлисе әле безгә. Бәлки озак еллар Чаллыда үткәрелә торган чәчәкләр бәйрәменнән дә өйрәнеп, киләсе елларда аны камилләштерәсе булыр. Фаил Камаев «Чәчәкләр бәйрәме» авыл җирлекләре һәм бюджет оешмалары арасында күпмедер дәрәҗәдә көндәшлек рәвешендә узарга тиеш дип саный. Әлеге бәйрәмгә предприятиеләр дә кушылырга һәм чәчәк композицияләренең проектлары алдан ук әзер булырга тиеш. 
      677
      0
      0
    • 4 сентябрь 2019 - 11:30
      Республика көнен бәйрәм иттек
      Быел Республика көнен район күләмендә Новотроицкое авылында билгеләп үттек. Тукайлылар ул көнне авылның берничә ел элек кенә төзелгән мәдәният һәм ял паркына җыелды. Шунда ук «Чәчәкләр фестивале» оештырылды.
      721
      0
      0
    • 28 август 2019 - 12:10
      Фаил Камаев:  «Нигә әле инглиз телен балалар бакчасыннан ук укытмаска?»
      Мәгариф хезмәткәрләренең август киңәшмәсендә район башлыгы Фаил Камаев педагоглар коллективы алдына шактый саллы бурычлар куйды. Алар арасында иң мөһимнәре дип ул балаларга хезмәт тәрбиясе бирүне һәм бакча яшеннән үк полилингваль укытуны, аерым алганда, дөньякүләм тел – инглиз теленә өйрәтүне атады. Бу – алдагы елларда тормышка ашырырга тиешле проектлар, диде ул.
      639
      0
      0
    • 7 июнь 2019 - 11:15
      Ленар Авзалов:  «Халык безне аңлый. Мин рәхмәтле» 
      Республика экология һәм табигый ресурслар министрлыгы тарафыннан игълан ителгән чарага кушылып, районда да санитар чистарту икеайлыгы үтте. Башкарма комитет җитәкчесе Ленар Авзалов тарафыннан бу турыда махсус карар чыгарылды. Инде икеайлык тәмамланды, бу юнәлештә башкарылган эшләргә нәтиҗә ясалды, кайсы участокларда проблемалар барлыгы, хәл итәсе мәсьәләләр ачыкланды. Узган атнада исә авыл җирлекләре башлыклары райондагы һәр авылда булып, бер-берсенең эшенә бәя бирде. Рейд вакытында иң чиста һәм төзек биш җирлек билгеләнде. Аларга, һәр елдагыча, Сабантуйда махсус бүләкләр – бензин белән эшләүче пычкылар һәм беренче урынны алганына күчмә кубок тапшырылачак. 
      1160
      0
      0
    • 11 май 2019 - 11:25
      «Һәр көн үлем көтеп, ачлы-туклы яшәгән кешеләр бит без»
      «Сугыш хәсрәтен күргән әти-әниләребезне, абый-энеләребезне, апа-сеңелләребезне, гомумән, ул авыр елларда тырышып-тырмашып, ачлы-туклы дөнья көткән һәркемне бүгенге тормышка кайтарып карар идем мин. Күрсеннәр иде хәзерге муллыкны. И-и, ничек рәхәт бит хәзер. Тормышның кадерен белегез, балалар, шөкер итеп яшәгез», – ди Новотроицкое авылында гомер итүче тыл хезмәтчәне Фәһимә Борһанова. Ул шушы көннәрдә 95 яшен тутыра.
      735
      0
      1
    • 24 апрель 2019 - 11:40
      Тукайлылар шимбә өмәсендә катнашты
      Санитар чистарту һәм төзекләндерү икеайлыгы кысаларында бүген район авылларында тулы көченә территорияне тәртипкә китерү эше бара. Көздән кул җитмәгән, кышын өстәлгән чүп-чар җыела, халык үз ихатасында эшли, капка төпләрен чистарта, зиратларны тәртипкә китерә, агач кәүсәләрен акшарлый, яңа үсентеләр утырта. Икеайлык игълан ителгәнгә генә түгел, авыл халкы язын мондый эшләргә күнеккән инде – апрель-май айлары кул кушырып утырыр чак түгел. 
      784
      0
      0
    • 8 апрель 2019 - 13:05
      Яңа Бүләктә – «Әлепле әртисләре»
      «Безнең авыл халкы спектакльләрне бик ярата. Шуңа да мондый чараларга зал тутырып киләләр. Ләкин бер нәрсә – театрда уйнардай яшьләрне табу кыен», – ди күптән түгел үзенең 20 еллыгын билгеләп үткән «Нур» халык театры җитәкчесе Дилбәр Гыймазетдинова. Коллективның күпчелеге оешкан елларыннан ук шушында кайнаган, чын артистларга әйләнгән кешеләр. Чираттагы спектакльләрен дә бик оста итеп башкардылар, тамаша залын гөрләттеләр алар. Театрны ул көнне район башлыгы Фаил Камаев та карады.
      603
      0
      0
    Реклама