«Якты юл»ның алтын фондыннан рубрикасы буенча яңалыклар

11 июль 2026

Опера җырчысы Сөмбел Кыямованың зур сәхнәгә юл башы

«Якты юл»ның алтын фондыннан рубрикасында тәкъдим ителәчәк бу язма моннан 18 ел элек басылган булган. Биш яшендә «Балкыш» фестивалендә чыгыш ясаган Сәмәкәй авылы кызы Сөмбелнең киләчәге өметле булуын күреп, район газетасы: «Җыр-моң дөньясы үзенә кабул итәр кебек», – дип язган. Бүген исә бу сүзләр чынбарлык: Ф. Шаляпин премиясе лауреаты, Казан консерваториясе доценты Сөмбел Кыямова (Ситдыйкова) А. Монасыйпов, Ш. Шәрифуллин, Р. Яхинның сирәк яңгырый торган әсәрләрен зур осталык белән башкаручы танылган опера җырчысы. Ә Сөмбелне зур сәхнәгә илткән юл нәкъ менә Тукай районында башланган бит.

20 июнь 2026

Калмаш авылыннан Рената сугыш елларының шаһите булган әбисе турында

22 июнь — Бөек Ватан сугышы башланган көн. Бу фаҗига һәр гаиләгә кагылып, миллионлаган кешеләрнең язмышын үзгәртә. «Якты юлның алтын фонды» рубрикасы кысаларында 6 нчы сыйныф укучысы Рената язмасына урын бирүебез дә юкка гына түгел. Сугыш башланганда аның әбисе Ренатадан нибары ике яшькә генә зуррак булган. Шуңа да карамастан, ил өстенә төшкән бар авырлыкны олылар белән беррәттән күтәрергә туры килгән бу кечкенә кызның язмышы аеруча гыйбрәтле.

06 июнь 2026

Чын дуслык сере: җырчы кыз Ләйсән Хәлимова мисалында

Газетада моннан 14 ел элек басылып чыккан дуслык турындагы бу язма «Якты юлның алтын фонды» рубрикасында урын алды. Чөнки дуслык – кеше тормышындагы иң кыйммәтле бәйләнешләрнең берсе. Шатлыгыңны бүлешердәй, авырлык килгәндә таянырдай дустың булу олы бәхет. Бүген аралашу күбесенчә интернет аша булса да, чын дуслыкның асылы үзгәрми. Аның нигезе - ихласлык, ышаныч һәм бер-береңне аңлау. Э.Латыйпованың дусты Ләйсән Хәлимова турында яратып, уңышларына ихластан сөенеп язуы соклану уята.

30 май 2026

Комсомолец поселогыннан кечкенә Айсылуның гаилә җылысы һәм туган тел турындагы уйлары

«Якты юлның алтын фонды» рубрикасында Комсомолец мәктәбенең 5 сыйныф укучысы Айсылу Галимованың гаилә җылысы, туган тел һәм милли тәрбия турында 16 ел элек язган язмасы урын алды. Чөнки еллар узса да, аның “үз ана телеңдә сөйләшү” турында әйткән сүзләре бүген дә актуаль яңгырый. Телне саклау гаиләдән башлана, ә Айсылуның ул чактагы фикерләре бүгенге буын өчен дә мөһим булып кала бирә.

23 май 2026

Бәтке мәктәбе укучысының беренче укытучысына рәхмәт сүзләре

«Якты юлның алтын фонды» рубрикасына 2010 елгы бу язма очраклы гына сайлап алынмады. Тиздән мәктәпләрдә «соңгы кыңгырау» чыңлар, укучылар яраткан укытучылары белән саубуллашыр. Беренче укытучы — кеше күңелендә гомер буе саклана торган иң якты истәлекләрнең берсе. Бишенче сыйныф укучысы Д. Әпсәләмов үзенең укытучысы Шакирова Фәрсиягә рәхмәт сүзләрен җиткерә. Ул аның сабыр, ягымлы булуын, балаларга карата җылы мөнәсәбәтен һәм биргән тәрбиясен ихтирам белән искә ала.

16 май 2026

Күңелдә сакланган Яңа Бүләк җылысы балачак истәлекләрендә

“Якты юлның алтын фонды” рубрикасына кергән әлеге язма 2008 елның сентябрендә дөнья күргән. Анда автор Г. Җәмилев күңелендә еллар дәвамында сакланып килгән иң кадерле истәлекләрен яңарта. Бу хатирәләр Яңа Бүләк авылы белән тыгыз бәйләнгән. Автор өчен иң якты ике мизгел аеруча истә калган: беренчесе — Илһам Шакиров концертына бару, икенчесе — Яңа Бүләктә мунча керү вакыйгасы. Әмма шул хатирәләр артында бер гади генә, ләкин тирән мәгънәле хис — еллар буе әйтелми калган рәхмәт сүзләре дә ята...

09 май 2026

Сугыш урлаган балачак

2008 елның 16 маенда дөнья күргән әлеге язманы «Якты юл» газетасының «Алтын фондыннан» сәхифәсендә кабат тәкъдим итәбез. Сугыш еллары меңләгән баланың балачагын урлый, аларны вакытыннан алда олы тормыш сынаулары белән очраштыра. Әмма ачлыкны, югалтуны, авыр хезмәтне күреп үскән бу буын сынматмый. Югары Суыксу авылында туып, Ташкичү авылында гомер итүче Рәшидә апа Мөхәммәтҗанова язмышы — шуның ачык мисалы. Әтисез үскән, сугыш чорында басуда хезмәт куйган, белемгә омтылышын югалтмаган авыл кызы соңрак дистәләрчә ел балаларга белем биреп, авыл халкының хөрмәтен казана. Аның тормыш юлы — сабырлык, хезмәт сөючәнлек һәм туган халкына тугрылык үрнәге.

02 май 2026

Кәлҗемәнең онытылмас тәме

«Якты юл»ның алтын фондыннан» сәхифәсенең чираттагы язмасы әби-бабайларыбыз язмышына туры килгән авыр сынауларның ачык бер мисалы булып тора. Пенсиядәге укытучы Н. Сәләхова юллаган бу язма 2008 елның гыйнвар санында дөнья күргән. Бүген табыннарыбыз төрле сый-нигъмәтләргә бай, өстәлләребез муллыктан сыгылып тора. Бәрәңгене, аннан әзерләнгән ризыкларны яратып ашасак та, аны көн саен пешермибез — чөнки алмашка ризык төрләре җитәрлек. Ә менә сугыш чоры кешеләрен нәкъ бәрәңге ачлыктан, үлемнән саклап калган. Юкка гына алар аны «бөтен икмәк» дип атамаган.

26 апрель 2026

«Якты юл» – уңыш юлдашы: Илназ Абдулвәлиевның спорт архивы

“Якты юл”ның алтын фондыннан сәхифәсенең чираттагы язмалары 2006-2007 елларда дөнья күргән булган. Инде күп еллар узуга карамастан, «Татарстан» совхоз поселогы егете Илназ Абдулвәлиев үзе турында чыккан материалларны кадерләп саклый, хәтта кабат кайтып, шул елларны искә ала, газета битләрен кабат укый.

18 апрель 2026

Иштирәк мәктәбендә узган мәктәп елларының иң якты хатирәләре “Якты юл”ның архив язмасында

“Якты юл”ның алтын фондыннан сәхифәсенең чираттагы язмасы 2007 елның 5 апрелендә дөнья күргән булган. Инде күп еллар узуга карамастан, Иштирәк мәктәбе укучысы Диананың мәктәпне тәмамлар алдыннан бүлешкән уй-фикерләре бүгенге 9 һәм 11 сыйныф укучыларыныкы белән дә тәңгәл киләдер. Мәктәпне яратуы, укытучысына карата булган хөрмәт хисен еллар тузаны басып китмәгәндер әле, бу язма да хәтер сандыгына күз салу өчен менә дигән мөмкинлек булыр.

11 апрель 2026

“Якты юл” архивыннан - Иван дәдәйнең «Тамчыкай»га бүләге

Газетабызның 50 еллык юбилее уңаеннан башлап җибәргән сәхифәне архивтагы тагын бер кызыклы язма белән дәвам итәбез. Берәүләр өчен бу язма тарихны барлау, искә төшерү булса, кайберәүләргә ул яңалык булып барып ирешер. Тиздән язларны тагын да ямьләндереп алмагачлар шау чәчәккә күмелер. Тирә-якка таралган хуш истән башлар әйләнер. Һәр ел саен язлар белән бергә килүче, бер тапкыр гына кабатланучы искиткеч матур күренеш бит ул. Ә менә моннан ике дистәгә якын еллар элек Иван дәдәй Мәләкәс авылы халкына алма бакчасы бүләк итеп, күпме кешене сөендергән. Бүгенге язмабыз шул турыда.