Эльвира Абдуллина автор яңалыклары

• 02 ноябрь 2018

  «Р-Агро» хуҗалыгында сөт җитештерү арта бара

  Район авыл хуҗалыгы һәм азык-төлек идарәсеннән алынган мәгълүматларга караганда, район буенча бер тәүлек эчендә тулаем савым күләме 68,8 тонна тәшкил итә. Бу 2017 елның шушы чоры белән чагыштырганда 100 центнерга артыграк. Әлеге күрсәткечкә саллы өлешне Сәйдәшев исемендәге хуҗалык, «Ирек» җитештерү кооперативы, «Вилданов» крестьян-фермер хуҗалыгы, «Р-Агро» предприятиесе кертәләр. «Р-Агро» хуҗалыгында һәр көнне 10 тоннадан артык сөт савыла, бу бер баш сыерга 17,5 килограмм тәшкил итә. 

  
• 01 ноябрь 2018

  Сәйдәшев исемендәге хуҗалыкта сыерларны музыка астында савалар

  Шушы көннәрдә Сәйдәшев исемендәге хуҗалык базасында авыл хуҗалыгының бүгенге көндә актуаль мәсьәләләре – терлекләрне кышлату, техниканы кышкы саклауга кую һәм башка шундый сораулар буенча семинар-киңәшмә узды. Чарада район башлыгы Фаил Камаев, авыл хуҗалыгы һәм азык-төлек идарәсе белгечләре, авыл хуҗалыгы предприятиеләре җитәкчеләре катнашты. Уңайлы булсын өчен, семинарда катнашучыларны хуҗалык биләмәләре буенча автобус белән йөрттеләр.

  
• 31 октябрь 2018

  Тукайлылар театр уйный

  Шушы көннәрдә Түбән Суыксу авылы мәдәният йортында театр коллективлары арасында «Театраль Олим» дип исемләнгән 1нче район фестиваленең гала-концерты узды. Фестиваль берничә этапта үткәрелде. Гала-концертта чыгыш ясау хокукы өчен районның 10 авылыннан 16 театр коллективы 2 ай дәвамында көч сынашты. 

  
• 27 октябрь 2018

  «Акчарлак» бассейны буш тормый:  70 яшьлекләр дә, бер яшьлекләр дә су коена

  Билгеле булганча, ике ай ярым элек районда «Акчарлак» дип исемләнгән өр-яңа бассейн ачылды. Әлеге вакыт дәверендә «Круглое Поле поселогы йөзү үзәгенә әйләнер» дип баглаган өметләр тормышка ашканмы? Бу турыда без бассейн директоры Ришат Мөбарәкҗанов белән сөйләштек.

  
• 26 октябрь 2018

  «Өлкән кешене тәрбиягә алган гаилә» пилот проекты эшли

  Бүгенге көндә «Шәфкать» үзәге аша 220 кешегә үз өйләрендә социаль хезмәтләр күрсәтелә. Араларында балалары читтә яшәүче яки гомумән ялгыз калганнары да бар. Интернат-йортларда социаль хезмәткәр андый өлкән кешеләрнең хәлен яхшыртуга бар көчләрен куя, әмма туганнарча җан җылысын, өйдәге мохитне бернәрсә белән дә алыштырып булмый. Нәкъ менә ялгыз әби-бабайларның хәлен җиңеләйтү максатыннан, 2017 елның 1 гыйнварыннан Татарстанда «Өлкән кешене тәрбиягә алган гаилә» дигән пилот проекты тормышка ашырыла.

  
• 25 октябрь 2018

  Пай җирләре: эшкәртеп файдалан, арендага бир, яки штраф түлә

  Районда пай җирләрен, тиешенчә эшкәртмичә, ташландык хәлгә китергән хуҗалар бар. Соңгы елларда киң таралган тагын бер күренеш – җир хуҗасы үлеп китә, ә аның варислары бу җирне эшкәртү турында уйлап та карамый. Нәтиҗәдә, шаулап икмәк үсәсе урынны чүп үләне һәм агач-куак басып китә.

• 24 октябрь 2018

  Грипп: эпидемия сезонына әзерләнәбез

  Белгечләр фаразлавынча, быел грипп эпидемиясе гыйнвар азагы-февраль айларына туры киләчәк. Бүгенге көндә районда тулы куәтенә грипп сезонына әзерлек бара. Планда булган барлык 16610 кешегә дә вакцинацияләү үткәрелгән, шуның 11475е өлкәннәр булса, 5135е – балалар. Грипка каршы прививка ясау нечкәлекләре турында без район үзәк дәваханәсе баш табибы Галим Сибирҗанов белән әңгәмә кордык.

  
• 24 октябрь 2018

  «Ярыш» хуҗалыгы Венгриядән буаз таналар алып кайтырга ниятли

  Районның «Ярыш» хуҗалыгында авыл хуҗалыгының актуаль мәсьәләләренә багышланган семинар узды. Чарада район башлыгы Фаил Камаев, ТР Авыл хуҗалыгы hәм азык-төлек министрлыгының терлекчелектә нәсел эше буенча баш дәүләт идарәсе башлыгы Ришат Зарипов, авыл хуҗалыгы һәм азык-төлек идарәсе белгечләре, авыл хуҗалыгы предприятиеләре җитәкчеләре катнашты. Семинарда көн кадагында булган техниканы кышкы саклауга кую һәм актуаль булган башка мәсьәләләр буенча фикер алыштылар. Әйтергә кирәк, әлеге төр семинарлар традицион рәвештә һәр атна саен диярлек төрле хуҗалыкларда үткәрелә.

  
• 20 октябрь 2018

  Министр урынбасары Нәҗип Хаҗипов:  «Тукай районы республиканың агросәнәгать, авыл хуҗалыгы тармагында аерым бер урын алып тора»

  Үткән шимбә көнне Яр Чаллы шәһәренең «Татарстан» кунакханәсендә Авыл хуҗалыгы һәм эшкәртү сәнәгате хезмәткәрләре көне уңаеннан бәйрәм тантанасы узды. Биредә район авыл хуҗалыгы тармагының алдынгы хезмәткәрләре түгәрәк өстәл янына җыелды. Тантанада район башлыгы Фаил Камаев, Авыл хуҗалыгы һәм азык-төлек министры урынбасары Нәҗип Хаҗипов, Яр Чаллы шәһәре башкарма комитет җитәкчесе Ринат Абдуллин катнашты.

  
• 18 октябрь 2018

  Биклән авылын сукбай этләр басып алган

  «WhatsApp» мессенджерындагы «Тукай районы яңалыклары» төркемендә Биклән авылында яшәүчеләрдән түбәндәге эчтәлектәге кыска хәбәрләр килә башлады: «Балалар иртән мәктәпкә бара, үтәргә куркып торалар! Урам тулы эт! Бу хуҗасыз этләр белән нишләргә? Каршыңа килеп чыксалар, Аллаһ сакласын! Үзәккә үтәләр бит болар! Штраф суксалар, бик әйбәт булыр иде! Фаҗига булганчы нинди дә булса чара күрергә иде! Төнлә түгел, көндез дә Биклән урамнарына чыгарга куркыныч! Чаң сукмый булмый! Өлкәннәргә дә, сабыйларга да куркыныч яный!» Араларында сукбайларны жәлләп: «Көчекләр бик тә матурлар, бик кызганыч та инде үзләре...» дип язганнары да булды. Әмма тиз арада әлеге фикергә: «Иң беренче чиратта урамда уйнап йөрүче сабыйларны уйларга кирәк!» дигән җавап белән каршы төштеләр. 

  
• 17 октябрь 2018

  Район көзге ярминкәләре гөрли: бәяләр түбән, сыйфат югары

  Үткән шимбәдә Яр Чаллы шәһәренең ГЭС бистәсендә урнашкан «Төзүчеләр» стадионында чираттагы авыл хуҗалыгы ярминкәсе узды. Әлеге көнне сату рәтләре буенча Авыл хуҗалыгы һәм азык-төлек министры урынбасары Нәҗип Хаҗипов йөреп чыкты һәм сатуда булган продукциянең төрлелеге, аларның бәяләре белән танышты. Район авыл хуҗалыгы һәм азык-төлек идарәсе хәбәр итүенчә, ярминкә көнне 2 миллион 813 мең сумлык продукция сатылган.

  
• 15 октябрь 2018

  Рәкыйп Хәмитов: «Җиңеп алган 35 машинаның берсендә дә йөрмәдем»

  Көрәш буенча күп тапкырлар Россия, Татарстан чемпионы, бик күп мәртәбәләр республика турнирларын откан, Сабан туйларында бик күпләгән тапкыр баш батыр булып калган Рәкыйп Хәмитовны районда белмәгән кеше юктыр. Кама аръягын дер селкетеп тоткан, көрәш дөньясына «Копченый» кушаматы белән кергән Рәкыйп Хәмитовны шушы көннәрдә редакциягә чакырып әңгәмә кордык. Легендар батыр җиңеп алган призларны кая куйган? Ни өчен аңа «Копченый» кушаматы бирелгән? Җиңү яулар өчен нинди алымнар кулланган? Шулай итеп, бу һәм башка сорауларга җавап эзләдек.

  
• 14 октябрь 2018

  Гөлүс Галиев – быел иң күп бөртек суктырган комбайнчы 

  Быел Тукай районында урып-җыюда иң яхшы күрсәткечкә ирешкән комбайнчы «Кама» агрофирмасыннан Гөлүс Галиев булды. Ул үзенең Нью-Холланд комбайнында 48 көн эчендә 1151 гектардан 35 мең 100 центнер ашлык суктырган.

  
• 12 октябрь 2018

  Авыл хуҗалыгы оешмалары җитәкчеләре республика бәйрәмендә катнашты

  Сишәмбе көнне Авыл хуҗалыгы һәм эшкәртү сәнәгате хезмәткәрләре көне уңаеннан Татарстан Президенты Рөстәм Миңнеханов Казан шәһәренең «Корстон» күңел ачу сәүдә үзәгендә республиканың авыл хуҗалыгы хезмәт алдынгыларын кабул итте. Биредә Тукай районыннан район башлыгы Фаил Камаев җитәкчелегендә 15 кешелек делегация составында хужалык җитәкчеләре катнашты.

• 12 октябрь 2018

  Район башкарма комитеты җитәкчесе итеп Ленар Авзалов билгеләнде

  Чәршәмбе көнне район Советының чираттагы утырышы үтте. Анда район җитәкчелеге, район Советы депутатлары, авыл җирлекләре башлыклары, авыл хуҗалыгы оешмалары, хокук саклау һәм күзәтчелек органнары җитәкчеләре катнашты. Утырышны район башлыгы Фаил Камаев алып барды. Көн тәртибендә каралган биш мәсьәләнең берсе – район башкарма комитеты җитәкчесен билгеләү булды.