Хокуксыз йөргән

«Яр Чаллы – Зәй – Әлмәт» автомобиль юлының беренче километрында Тукай районы территориясендә «Фольксфаген Поло» автомашинасы туктатыла. Руль артында 49 яшьлек Тукай районында яшәүче машина йөртү таныклыгы булмаган кеше тоткарлана. Мәгълүмат базалары буенча тикшерү барышында әлеге гражданның транспорт чаралары белән идарә итү хокукыннан мәхрүм ителүе ачыклана.

Машина йөртүче транспорт чарасы белән идарә итүдән читләштерелә, РФ Административ хокук бозулар кодексының 12.7 статьясы 2 өлеше буенча административ протокол төзелә. Бу статья утыз мең сум күләмендә административ штраф салуга, унбиш тәүлеккә кадәр административ кулга алуга яки йөздән ике йөз сәгатькә кадәр мәҗбүри эшләргә китерә.

Хокук бозучының автомобиле ЮХИДИнең Чаллы шәһәре буенча штраф стоянкасына урнаштырылган, ә шофер үзе Тукай районы буенча Россия Эчке эшләр министрлыгының дежур частена китерелгән.