Тукай районында 23 яшьлек кыз машина астында калган

Фаҗига 1 апрель көнне иртәнге сәгать 4 тулгач Яр Чаллы - Зәй трассасының 11нче километрында килеп чыга. Күрәчәгенә каршы, кыз тәүлекнең караңгы вакытында торак пункттан читтә киемендә бернинди яктылык кайтаручы элементлар булмаган килеш хәрәкәт иткән. Кыз Яр Чаллыда яшәгән. Бәрдерүче - Минзәлә районында яшәүче 25 яшьлек егет. Ул «Мазда-6» автомобилендә булган. Һәлакәттән соң фаҗига урыныннан качып киткән. Аның кемлеге оператив эзләү чаралары ярдәмендә ачыкланган. Кызның гәүдәсен юл уртасыннан алганнар.