Әйбәт яшибез

admin, 1 март 2022 - 15:25

558

24-25 февральдә «Казань Экспо» күргәзмә үзәгендә «ТатАгроЭкспо» IV Халыкара махсуслаштырылган күргәзмәнең коллегия утырышында ТР авыл хуҗалыгы һәм азык-төлек министры Марат Җәббаров 2021 елда агросәнәгать комплексының эш нәтиҗәләре буенча доклад ясады. Анда ул Тукай районының гомуми рейтингта беренче урында (2020 елда икенче урын) булуын билгеләп үтте.

Хезмәт хакы күләме буенча да Тукай районы республикада өченче урынны алып тора.
Марат Җәббаровның сүзләренә караганда, районның уңышы терлекчелектә, игенчелектә, башкарыла торган эшләрнең сыйфатлы уздырылуында.
Үсемлекчелек һәм терлекчелек тармагындагы күрсәткечләргә аерым тукталганда, үткән елгы корылыкка да карамастан, тулаем продукция буенча Тукай районы яхшы нәтиҗәләр күрсәтте дип ассызыклады министр. Һәм бу тармакларда үзләрен яхшы күрсәткән «Гигант», С.Сәйдәшев исемендәге хуҗалыкларны үрнәк итеп телгә алды.