Укытучыларның да БДИга әзерлеге тикшерелде

10 апрельдә Мәләкәс урта мәктәбе базасында Тукай, Зәй, Алабуга районнарыннан һәм Яр Чаллыдан математика, рус теле һәм әдәбияты укытучылары катнашында "2012 елда 9 һәм 11 сыйныф укучылары өчен дәүләт аттестациясе үткәрү" турында зур семинар-киңәшмә булды. Семинардан соң алдан бирелгән гаризалар нигезендә аттестация исемлегенә кергән укытучылар - барлыгы 99 педагог (безнең районнан - 69) мәктәп программасындагы 12 фән буенча БДИ һәм БРИ формаларында тест-тренинг сорауларына җавап бирделәр,нәтиҗәләр соңрак билгеле булачак, дип хәбәр итте мәгариф бүлеге башлыгы урынбасары В. Шакирова.