Туган авылым, туган мәктәбем

Безнең авылда куанычлы хәбәр булды. Зөфәр абый Фәрхетдинов, Әҗмәкәйгә яңа бастырылып чыккан китаплар алып кайткан икән, дигән хәбәр таралды. «Туган авылым, туган мәктәбем» дип атала әлеге китап.

Аны гомерен мәктәп эшенә, балаларга белем бирүгә багышлаган Рәисә Рәүфовна бастырып чыгарды. Укытучылар династиясеннән ул Рәисә Фәрхетдинова. Аның әтиәнисе: Рәүф Кәшип улы Кәшипов белән Әнисә Насыйп кызы Гобәйдуллина – данлыклы укытучылар. Икесе дә Иске Гәрдәле мәктәбендә директор булып эшләгәннәр. Әҗмәкәй урта мәктәбен ачып җибәрүчеләр дә алар. Авыл халкының хәлен белеп, аларга белем бирүчеләр. Бу ике укытучы турында уйласаң, ирексездән елмаясың, горурланасың, сөенәсең һәм башка хисләргә кереп чумасың дияр идем. «Иске Гәрдәле минем икенче авылым кебек», – ди Рәхимҗан Сәхабиев. Шулай булмый ни, 1969 нчы елга кадәр без, Әҗмәкәй авылы балалары бишенче сыйныфтан башлап, барыбыз да диярлек Иске Гәрдәле мәктәбендә белем алдык. Безне укыткан укытучылар һәрберсе, аерыпаерып к үңелеб ез түрендә саклана. Алар турында уйласаң, шаклар катып куясың.

Алты авылдан җыелган балаларга белем бирергә, аларның акыл, уйфикерләрен формалаштырырга кирәк булган. Шулай да, ул еллардагы укытучыларга бер әйбер уңайлылык биргәндер. Без – укычылар барыбыз да бер төрле булганбыз: өс киемебез, аяк киемнәребез, туклануыбыз һәм башкалар. Аяк киеме тишелеп, теткәләнеп беткәнче, өс киемнәребезгә ямаулыклар салынганчы киеп йөргән укучылар без, пионерлар, комсомоллар, уку алдынгылары, хезмәт сөючән халык. Менә шундый кырык кырлы балаларны тәрбияләгән укытучылар турында бу өряңа «Туган авылым, туган мәктәбем» дигән китап. Китап битләрен ачкан саен, укытучыларыбызның фотосурәтләрен күреп, аларны танып алып, күңелләр йомшара, ирексездән бит очларына күз яшьләре тәгәри бит. Еларлык шул! Авылда нинди яңалык бар, Әҗмәкәйнең «Чордашлар» төркеме беренче булырга ашыга. Без барыбыз бергәләп, әлеге китапның һәр битендә тукталып, укытучыларыбызның фотосурәтләрен күреп, мәктәптә укыган елларыбызның истәлекләрен исебезгә төшереп утырдык. Билгеле, һәр гаиләдә «Туган авылым, туган мәктәбем» дигән китап булдырылган.

Укытучыларыбыз турында, үзебезнең балаларга, оныкларга васыять итеп әйтелгән! Рәисә Рәүфовна, горурланабыз без үзебезне укыткан укытучыларыбыз белән. Безгә шундый истәлекле китап бүләк итүегезгә ихластан чиксез рәхмәтләр юллыйбыз Сезгә. Әҗмәкәй авылы «Чордашлар» коллективы исеменнән – Әнисә Әшрәпова.