Сәнгать – көтелгән җирдә!

Менә инде ничәнче ел Татарстанның мәдәни проектлары театр залларыннан читкә – чын тормыш кайнап торган ишегалларына чыга. Шундый якты мисалларның берсе – Бәтке авылы, анда ачык һавада тылсымы театр ачылды.

Спектакльләр, күршеләр белән кич утыру, балаларның шат көлүләре һәм алкышлар – болар барысы да гади ишегалдын иҗат итү һәм җылы аралашу мәйданына әверелдерде.

Бәтке авылында иҗади атмосфера хөкем сөрде — биредә «Ишегалдында театр» проекты кысаларында «Татарстан –минем хәзинәм» спектакле уңайлы ишега лды мәйданчыгында сәхнәләштерелде. Бу проект – мәдәни вакыйга гына түгел, ә чын халык җиңүчесе! Ул Татарстан Рәисе хуплаган «Курше Фест» конкурсында иң яхшысы булды, ә инициаторы – «Татарстан – Яңа гасыр» хәрәкәте. Үткәрү урыны очраклы гына сайланмаган – ишегалды 2021 елда «Безнең ишегалды» программасы буенча төзекләндерелде.

Хәзер ул иҗат, аралашу һәм татулык мәйданчыгына әверелде. Тантаналы ачылышта сәламләү сүзе белән Башкарма комитет җитәкчесе Камил Нәҗмиев чыгыш ясады, ул республика җитәкчелегенә мөһим социаль һәм мәдәни проектларга ярдәм итүләре өчен рәхмәт белдерде. Ә «Татарстан – Яңа гасыр» хәрәкәте башкарма комитеты рәисе Алсу Тарханова Камил Нәҗмиевка проект чараларын оештыруда актив катнашканы өчен диплом тапшырды.

Мондый инициативалар районнарда тормышны тагын да яктырта, халыкка яңа тәэсирләр бүләк итә һәм кешеләр арасындагы элемтәләрне ныгыта.