Райондашларыбызны зурладылар

Шундый кешеләрнең берсе – Маргарита Попова. Күпьеллык фидакарь хезмәте һәм мәгариф тармагындагы казанышлары өчен Круглое Поле мәктәбенең технология фәне укытучысы булган әлеге мөгаллим РФсе мәгариф министрлыгының Мактау грамотасы белән бүләкләнде.

«Ирек» җитештерү кооперативының баш исәп-хисапчысы Фәрит Хәсәенов исә күпьеллык фидакарь хезмәте һәм ТРның агросәнәгать комплексына зур өлеш керткәне өчен ТРсы Рәисе Указы белән «Татарстан Республикасы авыл хуҗалыгының атказанган хезмәткәре» дигән мактаулы исемгә лаек булды.

Актив иҗтимагый эшчәнлеге һәм республикада җирле үзидарәне үстерүгә өлеш кертүе өчен Тукай районы башлыгы урынбасары Рөстәм Закировка ТРсы Рәисенең Рәхмәт хаты тапшырылды.

ТРсы Тукай му - ниципаль районында җирле үзидарәне үстерүгә керткән өлеше һәм бу өлкәдә куйган күпьеллык намуслы, тырыш хезмәте өчен Иске Абдул җирлеге башлыгы Резеда Сафина шулай ук ТРсы Дәүләт Советы Рәисенең Рәхмәт хаты белән бүләкләнде. ТРсы Тукай муниципаль районында җирле үзидарәне үстерүгә керткән өлеше һәм күпьеллык намуслы хезмәте өчен Әҗмәкәй авыл җирлеге башлыгы Гөлнара Хөсәеновага да «ТРсы муниципаль берәмлекләр Советы»ның Мактау грамотасын тапшырдылар.

Яшь мөгаллимнәрнең һөнәри үсешенә өлеш керткән хезмәте өчен, Кече Шилнә мәктәбенең башлангыч сыйныфлар укытучысы Людмила Рулева «Мактаулы остаз» билгесенә лаек булды.

Төзелеш өлкәсендәге күпьеллык фидакарь хезмәте өчен «Строитель» ҖЧҖнең монтажчысы Рәсим Вәлиев ТРсы Төзелеш, архитектура, торак-коммуналь хезмәте министрлыгының Мактау грамотасы белән бүләкләнде.

Тантана ахырында бүләкләнүчеләр истәлеккә фотога төштеләр.