Радмир Беляев: Зыян күрүчеләргә түләүләр иртәгәдән башлана
«Нижнекамскнефтехим» предприятиесе фаҗигадә зыян күрүчеләрне һәм аларның гаиләләрен ярдәмсез калдырмый. Район башлыгы Радмир Беляев хәбәр иткәнчә, предприятие җитәкчелеге матди ярдәм күрсәтү һәм социаль гарантияләрне үтәү буенча мөһим карарлар кабул итте.
Һәлак булганнарның гаиләләренә предприятие 10 миллион сум күләмендә акча түләячәк. Шулай ук күмү белән бәйле барлык чыгымнарны тулысынча үз өстенә ала.
Зыян күреп, хастаханәгә озатылган һәр кешегә 3 миллион сум түләнәчәк.
Моннан тыш, предприятие зыян күрүчеләрнең алга таба тернәкләнү процессын тулысынча тәэмин итәчәк һәм барлык дәвалану чыгымнарын каплаячак.
Ярдәм чаралары зыян күргән барлык кешеләргә күрсәтеләчәк. Бу аларның кайсы оешмада эшләүләренә бәйле булмаячак.
Түләүләр иртәгәдән башланачак, дип хәбәр итә район башлыгы Радмир Беляев.
Фото Татмедиа каналыннан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев