Отышлырак пенсиягә күчү ысулы

Шулай ук туендыручыны югалту буенча хәрби пенсия алучылар, өстәмәләр алу хокукы бирелсә, картлык буенча пенсиягә күчә ала. Социаль фонд пенсия алучыларны бер төрдән икенчесенә автоматик рәвештә күчерми.

«Моның өчен законнарны өйрәнергә, пенсия яки социаль тәэминат органнарыннан белешмә мәгълүмат алырга һәм хәзерге вакытта үзең өчен оптималь вариантны исәпләргә туры киләчәк», –  диләр белгечләр.

Моннан тыш, закон буенча инвалидлык һәм картлык буенча ике пенсия алырга мөмкин. Мондый варианттан Бөек Ватан сугышында катнашучылар, «Камалышта калган Ленинградта яшәүче» билгесе белән бүләкләнүчеләр, шулай ук хәрби хезмәттә сәламәтлегенә зыян килү нәтиҗәсендә инвалид калучылар куллана ала. Пенсиянең бер төреннән икенчесенә күчүне рәсмиләштерү һәм ике пенсия алу өчен шунда ук социаль тәэминат органнарына гариза белән мөрәҗәгать итәргә кирәк.

14 февральдә көнне Россия Социаль фонды Россиядә картлык буенча иминият пенсиясенең уртача күләме 2022 ел нәтиҗәләре буенча 14 процентка артып, 20,6 мең сумга кадәр җитүен хәбәр иткән иде.