Орлык заводында вагон янды

Узган атнада Орлык заводы территориясендә төзүче оешма куйган вагончыкта янгын чыкты. Янгын сүндерүчеләр төнге сәгать 2дә килгән хәбәр эзеннән урынга барып җиткәндә, вагонны тулысынча ут камап алган була. Көннәр бик салкын тору сәбәпле, эшчеләр вагон эчендәге электр җылыткычын төнгә кушып калдырган булалар. Бәхеткә, берәүнең дә сәламәтлегенә зыян килми, ә предприятиегә килгән матди зыян барлана. Янгын күзәтчелеге инспекторлары җылыткыч приборларны кулланганда сак булырга, аларны электрга тоташтырган килеш бервакытта да күзәтүчесез калдырмаска чакыралар.