Коррупциягә каршы бергә!

Очрашу Тукай районы башлыгының коррупциягә каршы эш буенча ярдәмчесе Айрат Ибраһимов, район мәгариф идарәсе башлыгының тәрбия эшләре буенча урынбасары Ландыш Сафина тарафыннан уздырылды. Чара балаларның коррупциягә карата белемнәрен үстерүгә, тирәнәйтүгә юнәлдерелгән иде.

Сөйләшү барышында Айрат Ибраһимов коррупциянең безнең илдә нинди җитди мәсьәлә булуы, законны бозган очракта нинди җаваплылыкка тартыласы, җәза алачагы турында әйтеп үтте. Шулай ук ул ничек итеп коррупция очракларыннан сакланырга, закон ярдәмендә үзеңне сакларга кирәклеге турында да мәгълүмат бирде.

Очрашу ахырында исә чарада катнашкан балаларга коррупциягә каршы көрәшкә багышланган агитацион материаллар, буклетлар таратылды.