Кнәздә Тройсынны храмда билгеләп үттеләр

Кнәз авылы храмында да бу көнне бәйрәм йоласы уздырылды. Чиркәүдә Тройсын үткәрүнең үз үзенчәлекләре бар: храмның идәннәренә үлән, каен ботаклары җәелә, вазаларда чәчәкләр тора. Тройсын тантанасын чиркәү хорының өч җырчысы белән Александр атакай алып барды.
Православие динен тотучылар храмга күп җыелган иде. Күпләр гаиләләре белән килгәннәр. Барысының да кәефе күтәренке, йөзләре шат иде. Литургиядән соң Александр атакай храмга килүчеләрне барысын да бәйрәм белән котлады.

Фото Тамара Тузеева тарафыннан бирелде.