Тукай районының Кече Шилнә авылында бер катлы агач йортта янгын чыкты. Төтен белән тулган бинаның эченнән янгын сүндерүчеләр 26 яшьлек ир-атны коткарып, аны хастаханәгә озаткан.
Тукай районының Кече Шилнә авылында бер катлы агач йортта янгын теркәлгән. Янгын нәтиҗәсендә өйдәге мебель һәм түшәмнең бер өлеше зыян күргән, ут каплаган мәйдан якынча 6 квадрат метр булган.
Вакыйга урынына килгән янгын сүндерүчеләр махсус саклагыч битлек кулланып, төтен белән тулган бинаның эченнән 26 яшьлек ир-атны алып чыкканнар. Зыян күрүче медицина учреждениесенә озатылган.
Билгеле мәгълүматларга таянып, янгын саксыз рәвештә тәмәке тарту аркасында килеп чыккан дип фаразлана.
Источник: Татар-Информ
Нет комментариев