Йорт хайваннарына прививка ясыйлар

Ветеринария табиблары Калмаш һәм Калмия авыл җирлекләре территориясендә урнашкан «Искра», «Росинка», «Дружба» бакчачылык ширкәтләрендә булдылар, прививкалар ясадылар.

«Мондый төр эшчәнлек ел дәвамында башкарыла. Билгеле бер график буенча без бакчачылык ширкәтләренә, торак пунктларга чыгабыз. Котыру чиреннән йорт хайваннарын вакцинацияләү халык өчен бушлай башкарыла. Сүз уңаеннан, тукайлылар әлеге авыруга каршы профилактикага бик җитди карыйлар, хайваннарын привика ясатырга дип, бик теләп алып киләләр. Хуҗаларның бу мәсьәләгә жаваплы мөнәсәбәттә булулары безне сөендерә», – дип билгеләп үтә Тукай район ветеринария берләшмәсе баш ветеринария табибы урынбасары Илсур Мингалимов.