Геройларны искә алдык

Чарада Кенәз авыл җирлеге башлыгы Фәндүс Камалов, Кенәз авыл җирлеге ветераннар советы рәисе Мәдинә Сабирова, сугышта катнашучылар, Кенәз мәктәбе укучылары, «Ватан» патриотик клубы әгъзалары катнашты. Митингны Фәндү Камалов ачты. Ул билгеләп үткәнчә, бүген бөтен Россия халкы кайнар нокталарда һәлак булганнарга хөрмәт күрсәтә. Ул митингка килгән, югалту кайгысын белмәгән һәм дары исермәгән яшьләрне үз Ватаннарын сакларга, аның чикләрен якларга әзер булырга өндәде. Сугыш хәрәкәтләре ветераны Олег Газашвили һәлак булган солдатларның аналарына Ватанны саклаучы улларын лаеклы тәрбияләүләре өчен рәхмәт белдерде. Төньяк Кавказда сугышта һәлак булган солдатларны бер минут тынлык белән искә алдылар. Митинг азагында һәйкәлгә тере чәчәкләр салдылар, ә «Ватан» патриотик клубы әгъзалары үз куллары белән ясалган чәчәкләр куйдылар. Митингны патриотик клуб әгъзалары Алия Гатауллина, Валентина Елхова бик дулкынландыргыч алып бардылар. Һәр вакыт үз геройларын тудыра. Һәрвакыт хәрби батырлык югары әхлакый биеклектә тора,кешенең иң яхшы сыйфаты – гражданин, патриот, интернационалист. Безнең бурыч сугыш кырыннан әйләнеп кайтмыйча, утны үз өстенә алган кешеләрне онытмау. Геройларга мәңгелек дан!
Тамара Тузева,
 Кенәз мәдәният йорты директоры
Автор фотосы