Егетләребез сынатмады

14 мартта Түбән Кама шәһәрендә узган ТР Эчке эшләр министрылыгың самбо буенча шәхси-команда беренчелегендә безнең район бүлеге командасы да актив катнашты. Республикакүләм бу ярышларда 62 килограммга кадәр үлчәү категориясендә район бүлегенең полиция өлкән сержанты Илнар Бәшәров I урынга лаек булды. Полиция кече сержанты Альберт Пасмуров 82 килограммга кадәрге үлчәү категориясендә III урынны яулады, дип хәбәр итте Россия ЭЭМның район буенча бүлек башлыгы урынбасары, эчке хезмәт майоры Р. Кашапов.