Яңалыклар
Чит илләрдә июнь аенда Сабан туйлары узмый
Ә киләсе айларга кагылышлы карарлар хәлләрнең алга таба ничек торышына бәйле булачак. Бу турыда «Татар-информ»га Бөтендөнья татар конгрессының Милли шура рәисе Васил Шәйхразиев сөйләгән.
Аның сүзләренчә, май ахыры-июнь башында берничә чит илдә узарга тиеш булган бәйрәмнәрне үткәрергә рөхсәт алынмаган. «Кыргызстанда Бишкәктә, Болгария башкаласы Софиядә – Европа Сабан туе, Ташкентта Азия Сабан туе булмаячак. Алга таба ничек булыр – анысын фаразлау мөмкин түгел», – ди Шәйхразиев.
Чит илләрдә, Русия төбәкләрендә Сабан туен уздыру яки уздырмауны җирле хакимият һәм татар оешмалары бергәләп хәл итәчәк, дип аңлата Милли шура җитәкчесе.
Следите за самым важным и интересным в Telegram-каналеТатмедиа
Нет комментариев