Чаллыда Мәләкәс елгасын чистарту эшләре бара
Чаллыда Мәләкәс елгасын чистарту буенча зур күләмле эшләр алып барыла. Татарстанга эш сәфәре вакытында Россия Табигать ресурслары һәм экология министрлыгы урынбасары Максим Корольков бу проектның барышын карады. Бу хакта республика Экология министрлыгы хәбәр итте.
Мәләкәс елгасын чистарту алдан уйланылган тәртиптә бара. 2025 елда башкарылырга тиешле эшләрнең барысы да үтәлгән, 2026 елда да эшләр тукталмаячак. 2027 елда чистарту дәвам итәчәк, финанслау каралган инде. Елга әкренләп үзгәрә — элек сай һәм үлән белән капланган участоклар чистарып, су объектына әйләнеп бара.
Мәләкәсне чистарту «Россия сулары» федераль проекты кысаларында башкарыла һәм федераль бюджет акчалары исәбенә гамәлгә ашырыла. 2025–2027 елларга барысы 318,6 млн сум акча каралган.
Бүгенге көндә Мәләкәс елгасын чистарту эшләренең әзерлеге якынча 29% тәшкил итә дип бәяләнә. 78 мең кубометрдан артык ләм һәм грунт чыгарылган, алты берәмлек техника эшли. Эшләр дәвам итә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев