Бүген Татарстанда көндезге температура +14 градуска кадәр җылыначак
Бүген, 24 апрельдә, Татарстанда аязучан болытлы һава торышы сакланачак. Төнге сәгатьләрдә һава торышы тыныч булачак, явым-төшем көтелми. Ә менә көндез киресенчә, урыны белән кыска вакытлы, әллә ни көчле булмаган яңгыр явуы ихтимал.
Җил көньяк юнәлештән исәчәк: тизлеге уртача 7–12 м/с тәшкил итәчәк, ә көндез кайбер районнарда ул 15–20 м/с кадәр көчәеп, бераз уңайсызлыклар тудырырга мөмкин.
Төнгә кабат суытачак, һава температурасы −1дән +4 градуска кадәр төшәчәк, иртән дә әле сизелерлек салкын булыр. Көндез исә һава +9дан +14 градуска кадәр җылынып, чагыштырмача уңайлы һава торышы урнашачак.
Н.Туганов фотосы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев