Бакча өеннән күмерләр калган

Уяу күршеләр бакча йортларының берсендә, тәрәзәләрдән төтен чыгуы турында хәбәр итәләр. Янгын сүндерүчеләр килгәндә корылма тулысынча ялкын белән чорналган була. Ут белән көрәшүчеләр барлык чараларны кулланалар, әмма мансардалы бер катлы өй тулысынча янып бетә. Янгынның сәбәбе – электр җиһазларын монтажлау кагыйдәләрен бозу. Бәхеткә, беркем дә зыян күрмәгән. Күрше участокларга да ут капмаган. Ә яхшы күршеләр хәтта ишегалдында торган җиңел машинаны да урамга этеп чыгарганнар.