Авыл күрке — чәчәкләр: Түбән Суыксуда клуб тирәсен төзекләндерәләр
Түбән Суыксу авылы мәдәният йорты хезмәткәрләре, туган авылларына булган чиксез яратуларын күрсәтеп, клуб территориясендә чәчәкләр утырту һәм төзекләндерү эшләрен башлап җибәргәннәр.
«Сөюебез — туган авылга!» дигән шигарь астында Түбән Суыксу авылы мәдәният йорты хезмәткәрләре үрнәк алырлык эшкә алынды. Алар бердәмлек күрсәтеп, клуб янәшәсендәге бакчаны чүп-чардан тазарттылар һәм төрле төстәге чәчәк үсентеләре утырттылар.
Авыл халкы бу изге эшкә битараф калмады.
«Клуб хезмәткәрләренә фидакарь хезмәтләре, кайгыртучанлыклары һәм авылыбызның киләчәгенә битараф булмаганнары өчен зур рәхмәт белдерәбез», — дип хәбәр итә Түбән Суыксу халкы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев