Авыл хужалыгы һәм азык-төлек идарәсе башлыгы итеп Хәйдәр Сабитов билгеләнде

Атналык киңәшмәдә муниципаль район башлыгы Васил Хаҗиев авыл хужалыгы һәм азык-төлек идарәсе башлыгын тәкъдим итте. Бу вазыйфага моңа кадәр район башлыгының коррупциягә каршы көрәш мәсьәләләре буенча ярдәмчесе булып эшләгән Хәйдәр Сабитов билгеләнде. Аңа кадәрле эшләгән идарә башлыгы Марат Кәримов Яр Чаллы сөт комбинаты директоры вазыйфаларына кереште.

- "Вамин" җәмгыяте бүген банкротлык процедурасын үтә. Комбинат "Просто молоко" исеме астында эшли башлады. Ул тулысынча дәүләт предприятиесе. Җыелган сөт өчен үз вакытында түләп бару бурычы куелды, - дип аңлатты предприятие буенча бүгенге вазгыятьне Марат Ришатович.